老上海餛飩舖 (已結業)

我好鍾意食上海野，今日食午餐, 經過灣仔有間叫做「老上海餛飩」，聽到個侍應都係講唔純正嘅廣東話，應該都會幾正宗 環境就係一般小店既格局, 枱都拍得幾埋款式都係餃子、粉麵同雲吞等，都有選擇！芥菜鮮肉大雲吞10隻($45): 雲吞大大隻，又多餡，口感豐富，芥菜同豬肉非常配合，好好味啊！另外叫咗碗牛腩面($48):牛腩肥瘦適中，牛味濃郁，加埋佢嘅秘製辣醬，立即更加開胃！價錢合理，味道又不錯！大家經過既時候可以一試！