友義氣‧酸菜魚 (已結業)

牛頭角新開酸菜魚小店，喺馬會嗰度條街，諗住試一試，點知有驚喜，唔伏👍酸菜魚好入味，多料份量夠足，唔太鹹唔太辣，酸辣味道適中。(最驚食到冇味，或者太鹹嗰啲😓) 推介牛柳，即炒出嚟，好似大排檔咁有獲氣，不過份量唔算多，好快食晒🤤呢個手撕包菜就真係好油，直情好似食到啲辣椒醬味咁，驚油嚟嘅朋友慎選。另外因為係小店，內籠都幾細下，啲座位都比較窄。同埋夜晚繁忙時間去食，舖頭都好多外賣單，所以等上菜都幾耐。