影片
更多
2022-05-21
17 瀏覽
上環呢間burger店以鮮黃色裝修夠晒搶眼，離遠已經俾佢吸引左😂不過原來佢唔止係食burger，連意粉都好高質~🍽食物👍🏻西冷黑松露水牛芝士漢堡 $89 7/10有別於其他burger以厚切肉餡作招徠，呢到係薄切西冷，但係唔會煎到好乾好韌，仲有香濃牛味，更加冇厚切咁油膩，麵包軟熟又唔會濕立立！仲有拉絲嘅芝士，成件事好夾！不過我覺得個黑松露醬略嫌淡左啲，成個包算係比較清爽，重口味人士如我可能會覺得唔夠喉😂✨日式炸雞 4件+$26 8/10估唔到係burger店食到咁好味嘅日式炸雞😳岩岩炸起嘅外皮薄脆，肉質嫩滑，調味剛剛好，好想大嗌4件唔夠食呀！！！👉🏻朱古力雪糕奶昔 +$25 6.5/10食burger已經夠heavy，仲要去到盡飲多杯奶昔🤣本身想飲雲尼拿奶昔，可惜賣晒。賣相一流，可惜朱古力味唔算濃，整體不過不失👍🏻香蒜大蝦橄欖油意粉 $78 7/10意粉質感我好中意，唔會過淋又有啲彈牙！成碗好香蒜蓉同橄欖油味，好惹味😋大蝦嘅肉質唔霉，都算爽彈，不過份量唔算好多，女仔食可能會岩岩好，大胃王可能就要嗌多幾樣小食🤭👉🏻意式肉丸 4粒 +$26 7/10肉丸size唔算好大粒，同ikea差唔多
🍽食物
👍🏻西冷黑松露水牛芝士漢堡 $89 7/10
有別於其他burger以厚切肉餡作招徠，呢到係薄切西冷，但係唔會煎到好乾好韌，仲有香濃牛味，更加冇厚切咁油膩，麵包軟熟又唔會濕立立！仲有拉絲嘅芝士，成件事好夾！不過我覺得個黑松露醬略嫌淡左啲，成個包算係比較清爽，重口味人士如我可能會覺得唔夠喉😂
✨日式炸雞 4件+$26 8/10
估唔到係burger店食到咁好味嘅日式炸雞😳岩岩炸起嘅外皮薄脆，肉質嫩滑，調味剛剛好，好想大嗌4件唔夠食呀！！！
👉🏻朱古力雪糕奶昔 +$25 6.5/10
食burger已經夠heavy，仲要去到盡飲多杯奶昔🤣本身想飲雲尼拿奶昔，可惜賣晒。賣相一流，可惜朱古力味唔算濃，整體不過不失
👍🏻香蒜大蝦橄欖油意粉 $78 7/10
意粉質感我好中意，唔會過淋又有啲彈牙！成碗好香蒜蓉同橄欖油味，好惹味😋大蝦嘅肉質唔霉，都算爽彈，不過份量唔算好多，女仔食可能會岩岩好，大胃王可能就要嗌多幾樣小食🤭
👉🏻意式肉丸 4粒 +$26 7/10
肉丸size唔算好大粒，同ikea差唔多🤣咬落都食到肉味同油脂感，同特製茄汁好夾，不過都係個句：4粒唔夠喉🤣
⛩環境
👍🏻雖然舖頭細細，但係成間舖以美式風格裝修，都係以鮮黃色為主調，同門口好一致，仲加入左唔少美國快餐店元素，好有特色
👉🏻店內位置唔多，如果full house應該坐得幾迫下
💁🏼♀️服務
👍🏻店員服務有禮，會重複一次order避免出錯，知道雲尼拿雪糕賣晒都有誠懇致歉
📝總評 7/10
小店出品有誠意，仲有好多款唔同嘅小食選擇，唔洗驚淨係burger同薯條咁熱氣。同埋地點好就腳，lunchtime應該會好受附近嘅上班族歡迎，我都好羨慕係上環返工嘅朋友仔，可以試到好多特色小店🥰
👛人均消費 ~$120(冇加一)
⏱冇限時
張貼
