Bake N Grill (已結業)

朋友介紹下去左呢間放工食飯，佢話呢間水準好高，由酒店大廚主理，佢話我一定會滿意，有好野食我梗跟去～～去到嗰時岩岩有人包場完場散band,好彩無白行～ 見到貼喺餐廳內外既雜誌報章介紹令我更期待～我地各人叫左一個Steak Set~包晒前菜、湯、扒、茶/咖啡～首先嚟餐包～配埋成樽仔蘿勒醬比你～好味又大方。麵包香脆新鮮。湯-我選擇左「經典蜆肉雜燴濃湯」，十分香濃，湯中有麵包粒、大量蜆肉&洋蔥粒！前菜-我選擇左「嫩煎吞拿魚沙律」主菜- 日本活性水飼育豬架 10oz 為左保持肉質鮮嫩所以煮到7成熟，切開可見肉質鮮嫩，入口溶化，每口都有肉汁，而且稔身容易咀嚼；碟上既洋蔥係另一佳作，慢火燒左45分鐘而成，好香好稔！整個主菜都十分出色！餐飲- 我點左「苦青檸」，第一次飲，原來係粉紅色樽裝飲品！味道似有汽水柚子汁。甜品- 散叫「Green Apple Sobert」價錢略貴，但入口有驚喜，sobert充滿清甜青蘋果味，而且勻合鮮青蘋果蓉，十分出色。