越之味 (德民街) (已結業)

凍凍地想食碗熱辣辣嘅湯麵所以就去左呢間越南pho小店，嚟碗慢煮燒牛肉湯河。小店坐位唔多所以lunch hour有冇位要碰碰運，最近疫情反覆少左人外出用膳所以今次就輕鬆入坐，衛生環境都ok。慢煮燒牛肉用左唔少香草醃製再拎去燒，厚身得嚟中間好粉嫩，重牛味淋身而不韌，一碗有四大塊，河粉份量都唔少，真材實料十分扎實。唔知係唔係我擠青檸重手左搞倒個湯底有d酸，但總括嚟講個湯唔算太重口味同唔油膩，加羅勒葉嘅薄荷味口感清爽，唔錯唔錯！慢煮燒牛肉出色，$68一碗性價比都幾高，可以一試。