時新漢堡飽 (已結業)

喺紅磡上堂，朋友搵下附近有咩好食，就見到時新漢堡包！之前聽好多人講過，好似好出名，於是就一齊去試下。我地都叫左一人一個雙層牛肉漢堡，另外再加一個炸薯條，同埋一隻炸雞髀。雙層牛肉漢堡好正，佢裡面加咗時新特製嘅汁，同D牛肉同埋芝士勁夾。而且佢嘅牛肉漢堡扒係由新鮮牛肉整成的，勁有牛肉香，同埋係即叫即煎，新鮮熱辣辣。一個包唔駛$40一個，都抵食！炸薯條熱辣辣，好食！炸雞髀都好有味，有花心機醃肉，大讚。比起D連鎖快餐店，支持一下本地小店都好開心，佢地嘅製作好用心，而且味道惹味。下次再嚟開呢頭會再同朋友嚟食！