Day & Night (已結業)

想係銅鑼灣搵間小店食下，加路連山道同希雲街呢度都係小店集中地，唔係搵食真係少行入嚟呢度，但入得嚟呢度，你一定唔會餓住走。呢間小店價錢親民，有扒類，飯，意粉，漢堡包等等，不同食物選擇，仲有唔同既套餐，澳洲和牛漢堡套餐有沙律薯條飲品，都幾豐富。澳洲和牛漢堡肉味細緻，帶香濃的牛肉味，又夠厚，一口咬落去非常滿足。同場仲有漢堡扒飯，大大塊漢堡扒煎香外層，啖啖肉，又有豐富肉汁，加溫泉蛋有蛋汁加持，撈飯更滋味。