小肥豬扒餐廳

營業中

休息中

想喺放假嚟大圍行吓，歎個既豐富又好味到無得輸嘅早餐，位處海福花園商場地下的"小肥豬"，絶對係首選。今朝瞓到自然醒，突然心癮起，懷念細個嗰陣最鍾意食嘅福字麵，十點鐘就同朋友嚟咗呢度......入到去，客幾乎爆滿，搵到位坐之後，即點咗炸魚煎雙蛋配牛油多士同牛扒煎蛋福字麵餐。炸魚熱辣辣，外脆內軟；兩塊多士內搽滿牛油，唔係交行貨；塊牛扒醃得相當好，鹹淡度適中，肉質鮮味十足，正到飛起！我最後食到連啲麵湯都飲埋.....😅餐飲嗌咗兩杯熱檸茶，每杯都放咗幾片新鮮厚切檸檬。咁用心的食店，客似雲來係好正常吧！豬扒同牛扒，係呢度嘅招牌美食，有機會一定要嚟試吓喇。