好日咖啡店 (已搬遷) 新店位置

星期四晚食飯，舖頭唔多人，訂唔訂座都冇所謂。當晚二人點左龍蝦汁意粉，雞翼及一個白汁意粉。龍蝦汁意粉未食已經見到裡面有一塊奇怪既野，咬落似紙，煙頭大細。店員見我面色唔對唔即刻走埋黎問我咩事，亦好主動解決問題，好快就話換過俾我地，因佢好肯定咁話廚房冇人食煙，嗰塊野係困綁大蝦既竹條。事後佢waive左意粉既錢，亦重新上過一碟意粉俾我地。雖然有少問題，但我完全冇hard feeling因為第一店員好主動過黎解決問題，唔對路亦都有道歉，第二佢即時搵解決方法，態度誠懇。而且總括來說食物做得好好，幾好食，環境舒服。會再黎。