影片
更多
2018-05-30
284 瀏覽
今次揀咗係中環一條橫街嘅小店，餐廳好細間，不過可能有第二邊我哋唔知嘅。餐廳唔計廚房有4位職員，2位係水吧調酒，另外負責樓面。今次嚟到決定散叫，2人叫咗頭盤Quesadilla、主菜牛排、燒春雞同埋2杯嘢飲，分別係Lychee Fizz 同Ginger Honey。估唔到散叫都有麵包送，配上橄欖油同黑醋，不過麵包份量得好少，唔夠熱而且麵包皮太硬，有啲失色。旁邊嘅牛油就係蒜味牛油，鹹鹹香香幾惹味！頭盤係Quesadilla，姐係有雞肉、大量芝士作餡料嘅tortilla，旁邊亦有牛油果醬。頭盤已經覺得好邪惡啦，芝士焗得啱啱好溶晒，同埋個皮都好脆，沾埋牛油果醬成個感覺好豐富，食落夠晒飽肚！再嚟主菜部份，牛排嫩口，燒得仍然有微微粉紅，入口有溶化嘅感覺，再配埋塊羅勒牛油好香，不過冇乜配菜就有啲單調，但係肉質夠靚加返分！燒春雞比牛排反而更加好食，不過呢個價錢得半隻而且比較細隻，性價比就唔算太高。不過味道我就幾鍾意，醃得入味，面頭嘅雞皮亦用咗啲鹽燒過，好食！同埋重要嘅係肉質好嫩，一啲都唔鞋口，初頭以為啲肉會好鞋好靭無味，不過呢度就幾出色！配菜就有薯仔、菜同紅蘿蔔，另外有特製醬汁，不過就唔係好食到係咩味
今次嚟到決定散叫，2人叫咗頭盤Quesadilla、主菜牛排、燒春雞同埋2杯嘢飲，分別係Lychee Fizz 同Ginger Honey。估唔到散叫都有麵包送，配上橄欖油同黑醋，不過麵包份量得好少，唔夠熱而且麵包皮太硬，有啲失色。旁邊嘅牛油就係蒜味牛油，鹹鹹香香幾惹味！
頭盤係Quesadilla，姐係有雞肉、大量芝士作餡料嘅tortilla，旁邊亦有牛油果醬。頭盤已經覺得好邪惡啦，芝士焗得啱啱好溶晒，同埋個皮都好脆，沾埋牛油果醬成個感覺好豐富，食落夠晒飽肚！
再嚟主菜部份，牛排嫩口，燒得仍然有微微粉紅，入口有溶化嘅感覺，再配埋塊羅勒牛油好香，不過冇乜配菜就有啲單調，但係肉質夠靚加返分！
燒春雞比牛排反而更加好食，不過呢個價錢得半隻而且比較細隻，性價比就唔算太高。不過味道我就幾鍾意，醃得入味，面頭嘅雞皮亦用咗啲鹽燒過，好食！同埋重要嘅係肉質好嫩，一啲都唔鞋口，初頭以為啲肉會好鞋好靭無味，不過呢度就幾出色！配菜就有薯仔、菜同紅蘿蔔，另外有特製醬汁，不過就唔係好食到係咩味，單食燒春雞更加好食！
飲品方面，2杯飲品都不過不失，Lychee Fizz 有酒精成份，Ginger Honey就屬於mocktail，微微嘅薑味都算容易入口，唔燥熱，不過冰份量多咗啲，溶嘅時候就冇咁好飲，建議用其他方法令冰粒唔會變成水。
整體黎講，質素唔錯，只係等上菜等咗好一段時間，同埋飲品方面嘅建議，其他都做得好好，特別係主菜，兩樣都幾出色。不過建議餐廳開大啲冷氣，有啲焗～
張貼
