回憶客棧

營業中

休息中

今晚放工同男朋友同埋啲朋友一齊去試呢間出名既花甲粉，之前上網見到有介紹同埋因為好近我公司，所以放工去食岩岩好。由於店舖唔算大，所以座位唔太多，平日收工都好多人排隊。我地一坐低就兩個人share一個招牌花甲粉，仲仲加左娃娃菜同墨丸，一上到黎打開錫紙熱辣辣，個粉索晒個湯既精華，我地叫左中辣，食落都唔會好辣，亦唔會好油，而且份量都唔少，兩個人食岩岩好👍🏻我地另外仲每人叫左一隻扇貝，個扇貝好新鮮，又夠大隻，配埋蒜蓉同粉絲簡直一流。呢度除左招牌花甲粉，仲有提供少量既串燒，我哋叫咗個鹽燒基圍蝦、豬頸肉、翠玉瓜同燒茄子，味道都唔錯，平均來講都算高質。