嘉寶小食 (已搬遷) 新店位置

我一向都好支持小店的！唔係話連鎖店唔好，而係連鎖店業務太大，所以唔能夠每款食品都創新！但我一入到嘉寶小食，我第一個感覺好頭痛！因為太多野食選擇了，樣樣都好吸引，樣樣都想食！最招牌既元祖級漢堡都有九款，哈哈，要選擇食邊款都要俾啲時間！老闆會定期推出新款既漢堡，好有創意，我感受到老闆好用心去搞呢間小店，我好欣賞！我好多野都想食，但無可能食得晒，所以唯有多啲黎啦，哈哈！shake shake 薯條唔需要去麥xx既，去嘉寶就得啦！麥xx最多得三款shake粉，但嘉寶就有六七款shake粉你揀，薯條又夠脆，正呀！上次試左咖喱撈麵，今次我叫左個辣醬撈麵，加左墨魚丸同燒賣！不過我忘記了加底添！所以唔夠飽，要整多樣我既最愛！我既最愛就係呢樣啦，就係炸鴨脾！五香味好香，炸得好脆，而且唔會油膩 大家一定要試！