撈喜 (已結業)

男朋友帶我去筲箕灣食好西，他同事介紹話好味，一於趁放假去試試！花膠燉雞湯用料十充，有花膠、雞肉、瘦肉、杞子等，雖然係雞湯但一點也不油膩，啖湯好甜好好味，飲得出冇加味精！這裡還有湯卷賣，好吸引！可惜我住上水，太遠啦，如果唔係一定會買。花膠撈麵好大件花膠！炆得剛剛好，唔太淋亦唔韌，有口感，每啖都吸收緊骨膠原咁！麵質也爽口，不過個人覺得醬汁偏咸左一點。蔥油炸脾撈麵雞脾大大隻，炸到雞皮脆卜卜，雞脾肉質依然嫩滑。比起花膠撈麵，我們更喜歡蔥油撈麵！真係好香的蔥油，撈麵食落亦唔會太油膩。香煎鹿兒島牛柳粒一擺上枱已經聞到好香好香！煎到外脆內軟，每啖都充滿牛肉汁！配醬應該是蛋黃芥末醬？點唔點醬都好味！建議襯熱食，凍左會有點韌。