天魔 (已結業)

因為疫情都好少出街食飯，最近緩和咗可以去行街啦，去到屯門一田，行攰咗入邊有一間小店，啱晒休息食下野。呢間天魔主打西式食品，漢堡包、意粉、扒都有，而且份量適中，啱晒想嘗試下唔同嘢既我哋！而且嗌套餐都可以優惠價追加小食，好抵食！朋友叫咗一個卡邦尼意粉，再加咗炸雞翼同埋生蠔。意粉醬汁濃，上面仲加咗好多芝士粉，撈埋一齊食，口感好豐富，但係又唔會好濟，意粉軟硬度都適中雞翼係即叫即炸，上面加咗酸甜醬，好開胃我就叫咗一個豬肋骨，肉同骨好容易分離，肉質好林，而且下面嘅薯蓉都好滑呢度嘅Brownie，係廚師限量甜品推介，如果叮熱左再食嘅話口感會仲家好！朱古力味好濃烈一定唔可以唔試佢哋嘅飲品，好用心製作，叫咗一杯熱朱古力，竟然仲有好靚嘅拉花，飲落去味道唔會話太甜，上面泡沫都打到好細緻，每一啖都可以飲到奶同埋朱古力嘅中和！