湯品小棧 (已結業)

大角咀小店真係特别多！今日見凍凍地就行左入一間湯品小店。我覺得間鋪頭改名改得特别好！最鍾意佢夠開忠明義！而且佢d木枱櫈都好襯佢叫小棧！我見有客人係湯+飯+菜+餸咁叫。呢到既價位好合理！依家係XX堂買個湯包都要$50啦！呢到只係$34就可以有個煮好既熱湯，仲要係堅好飲既。呢個茶樹菇湯好正！好清，加上有紅甘筍既甜味，入而用既肉塊係已經煲到好林既！我真係好喜歡！用呢個咁鮮色既杯上令人更有喜悦感！本身以為野生菌醬時菜係得菌同時菜，真係唔知原來會有肉。不過有肉都好，同菜一齊食好夾！令個菜唔會咁寡。個醬都做得好出色，好似人地台灣d肉燥咁！用黎撈飯應該一流！因爲今晩真係唔多想食飯，最後叫左個甜品。綠茶味好rich, 餅底可以再厚返少少就更正啦！