茶屋町 (長沙灣道) (已結業)

食晏時間喺深水埗站附近，路過呢度，見到「茶屋町」呢三個字感覺親切又有趣，因為日本有好多不同城市都有「茶屋町」，係地方名，例如大阪市有個區叫「茶屋町」、青森市、富山市等都有，更加有「茶屋町駅」；見呢間「茶屋町」餐廳細細間乾淨企理，咁我就決定入去開餐😆叫咗$88嘅「汁燒鰻魚丼」，同$52嘅「茶屋混合芭菲Parfaitパフェ」，係「宇治金時」同「北海道牛奶」嘅混合體😋「汁燒鰻魚飯」係成set上，連前菜漬蘿蔔同麵豉湯。漬蘿蔔同麵豉湯都幾好味😋。鰻魚係一整條，肉厚多汁，非常濃郁嘅鰻魚味，配燒汁同日本米飯食非常美味😋「茶屋混合芭菲」大大杯賣相幾靚🥰，裏面有好多材料：北海道牛奶同抹茶雪糕好香好滑、抹茶脆米非常卜卜脆、紅豆大大粒好味、粟米片又係脆卜卜好香口、小柑肉清甜、仲有軟綿綿好似係抹茶mochi煙韌好食 ... 成杯Parfaitパフェ都好好味😋呢間小店食物非常有水準，有小驚喜😋