Veggi Monster (已結業)

人人菇素潮流興，係唔係真正能做到呢！我行我素，不順應潮流只想偶然排毒清腸胃。今日想食漢堡飽但又唔想連鎖店那種，得知上環開了間素食漢堡店，覺得幾特別, 試下又無防。Burger選擇不多，只有四款。貴精不貴多，有特色己足夠。我選了burger in black, 造型整個黑漆漆同名字好貼切，真係好似一個'紳士'著住西裝翩翩風度。麺飽是用竹炭製造, 軟熟。餡料就好特別，有黑豆，素芝士，藜麥，羽衣甘藍，番茄，大啡菇和黑松露醬。外型跟一般漢堡飽無異，肉部分變為黑豆和藜麥的混合體，有軟糯感，好有豆香，整體不錯。買了樽冷榨果汁，成份是羽衣甘藍，梨，青瓜，蘋果，檸檬，𦍑，配搭得宜，好清甜蔬果汁。試過新鮮嘢覺得真係可分享給朋友，馬上Facebook 留言扼like先....！