影片
更多
2022-10-06
65 瀏覽
呢間位於九龍城既壽司店需要鋪面細細，堂食位得5個吧檯位置，但係用料新鮮，而且由日本人主理，性價比高，絕對係禾稈冚珍珠！✨本鮪赤身蔥吞拿魚腩丼一直都唔太中意食赤身，因為佢係成條魚脂肪最少既地方，所以魚味最濃，食落硬係覺得有陣血腥味。不過呢到既赤身夠新鮮，完全唔腥，肉質充滿彈性，魚味濃郁鮮甜！至於吞拿魚腩蓉份量多，油脂豐富，入口即化，撈埋上面隻蘭王蛋食，又滑又香！中意食吞拿魚既值得一試！✨火炙壽司盛盒壽司有三文魚、左口魚、赤蝦、帶子、鰻魚、油甘魚同原條海鰻。師傅準備緊既時候已經聞到一陣焦香，令人超期待。呢個盛合既魚油脂都比較豐富，所以用火槍輕輕燒過之後，魚油滲入醋飯，增添左風味同層次。而且燒過之後，魚肉都會略略調味，食落唔會咁膩。我最中意就食加左蝦膏既赤蝦壽司，食落咸咸香香，配埋赤蝦既鮮甜，味道非常豐富。不過師傅都提醒要趁熱先食，如果凍左蝦膏就會變腥。✨刺身盛盒呢個刺身盛盒有成7款刺身，包括三文魚、油甘魚、真鯛、甜蝦、帶子、海膽魷魚同𩶘魚，三文魚超厚切；每片帶子之間仲放左檸檬片，提升鮮味；海膽魷魚卷鮮甜爽滑，口感唔會黏稠。呢個刺身盛盒性價比超高，值得推介！
呢間位於九龍城既壽司店需要鋪面細細，堂食位得5個吧檯位置，但係用料新鮮，而且由日本人主理，性價比高，絕對係禾稈冚珍珠！
✨本鮪赤身蔥吞拿魚腩丼
一直都唔太中意食赤身，因為佢係成條魚脂肪最少既地方，所以魚味最濃，食落硬係覺得有陣血腥味。不過呢到既赤身夠新鮮，完全唔腥，肉質充滿彈性，魚味濃郁鮮甜！至於吞拿魚腩蓉份量多，油脂豐富，入口即化，撈埋上面隻蘭王蛋食，又滑又香！中意食吞拿魚既值得一試！
✨火炙壽司盛盒
壽司有三文魚、左口魚、赤蝦、帶子、鰻魚、油甘魚同原條海鰻。師傅準備緊既時候已經聞到一陣焦香，令人超期待。呢個盛合既魚油脂都比較豐富，所以用火槍輕輕燒過之後，魚油滲入醋飯，增添左風味同層次。而且燒過之後，魚肉都會略略調味，食落唔會咁膩。我最中意就食加左蝦膏既赤蝦壽司，食落咸咸香香，配埋赤蝦既鮮甜，味道非常豐富。不過師傅都提醒要趁熱先食，如果凍左蝦膏就會變腥。
✨刺身盛盒
呢個刺身盛盒有成7款刺身，包括三文魚、油甘魚、真鯛、甜蝦、帶子、海膽魷魚同𩶘魚，三文魚超厚切；每片帶子之間仲放左檸檬片，提升鮮味；海膽魷魚卷鮮甜爽滑，口感唔會黏稠。呢個刺身盛盒性價比超高，值得推介！
本鮪赤身蔥吞拿魚腩丼
0 瀏覽
0 讚好
0 留言
刺身盛盒
8 瀏覽
0 讚好
0 留言
火炙壽司盛盒
4 瀏覽
0 讚好
0 留言
火炙壽司盛盒
3 瀏覽
0 讚好
0 留言
張貼
