吉吉點 (已結業)

香港地租金貴, 酒樓就越做越細間, 而且食物質素大不如前. 放假想搵個地方食下好味點心都唔係咁易. 今日朋友介紹黎咗呢間以手工點心做賣點的吉吉點試下. 店舖位置雖然不在大街, 但都好易搵, 一去到宜安街街市已經見到, 係斜路仔個度, 門口設有露天座位, 都幾搶眼.我地無Book 位, 11點左右去到好彩未到飯市唔洗等位. 我地叫咗幾款點心同甜品:1) 老火湯 – 足夠二人享用, 湯料都好多, 而且味道好清甜又夠晒味, 兩個人飲一碗都仲有淨2) 木魚燒虎皮尖椒 – 尖椒夠嫰, 食落清甜, 同最緊要無”榨”, 帶有微辣, 上面的魚肉煎得夠香, 加埋少少木魚絲豐富咗成個口感3) 濃湯北菇棉花雞 – 試咗一啖呢隻湯汁, 好濃的雞湯味道, 而且唔會杰撻撻, 因為湯夠晒味道, 可以帶出魚肚, 雞同埋冬菇本身的鮮甜味, 最後我地仲飲埋D湯4) 蜜瓜脆脆卷 – 呢隻甜品係第二度未試過, 所以叫咗黎食. 裏面係類似大良炸奶的暖心餡料, 外層係似紙米, 炸到脆脆. 食落去外脆內軟, 非常有趣, 而且唔會過甜, 又有蜜瓜香味, 味道同創意都很好5) 三層芝士酥 – 類似蘇皮的外層, 包住流心芝士. 同樣外脆