源興美食

營業中

休息中

~ 杏汁白肺湯坊間大路做法。。。先把杏仁加水用攪拌機打成漿，過篩後再把杏汁加入豬肺湯中，湯汁加熱至翻滾，加少許鹽調味即成。實話實說，足料無味精，不過杏汁”漿”湯頭非個人所好，入口感覺有點濃郁妖艷（個人仍是喜愛用原粒杏仁清燉做法。。。）～ 蒜蓉蒸扇貝合格～ 蒜拍青瓜海蜇份量足，價錢公道，味道合格～ 風味茄子外層粉漿炸得肉嫩皮薄脆身，配合炸蒜非常香口，送白葡萄酒一流，要挑剔的話鑊油建議勤換小小。～ 秘制家傳豬手大大件，咬落皮滑肉綿，合格。～ 蜜汁燒鰻魚招牌餸，用上大白鱔嘅靚腩位，師傅已去骨，入口皮脆肉滑滿滿油脂同蜜香，好味道。～ 糯米釀雞翼臘味糯米飯先炒香後釀入雞翼再生炸。 入口熱辣辣，雞翼皮脆肉軟綿，上乘花功夫作品，建議必食之選擇。～ 煲仔玫瑰鷄合格～ 咕嚕肉豬肉選料肥瘦適中、芡汁做到剛剛均衡地掛到每件豬肉和配料上、唔會多、唔會小、合格。～ 花雕蛋白蒸蟹蛋白嫩滑，花蟹足料夠新鮮，合格。～ 蒜蓉炒芥蘭成晚最失望嘅出品！先用水煮後再加油兜亂。。。生炒真係咁麻煩？綜合嚟講係一間用心做嘅小店，希望老板同師傅再俾多兩錢肉緊，期待下次再嚟過。支持小店！