影片
更多
2014-04-25
454 瀏覽
假期，同媽媽及女朋友去荃灣諗住搵好嘢食，點知想食嘅都冇位，應該要等成粒鐘，最後俾我見到有間韓式嘢，仲講？即刻入去。坐低，冇人理我哋。女朋友未食嘢先中招，張台冇人抹，仲有啲汁係台面！！叫個姐姐抹佢先出手。喂大姐呀，我哋坐低果嘢都應該做嘢啦，而家即係連上手走果時都冇過郁手....嘔心 好，叫嘢食。叫左個kimbab，一個炸雞，拌飯同年糕。個kimbab似足我小學整果啲！頂！炸雞，炸嘢諗住冇得輸啦下嘛，但攞出嚟果下個哥哥仔唔知想攞去邊度，要我哋，即係客人問佢: 係咪我哋架？佢話放低。果一刻個佢個樣，無表情，冇講任何說話，真係正。到年糕，頂你，舊舊都硬架！我唔知熟同唔熟嘅分別，但可以肯定嘅係 = 硬嘅！同個賣相好似豬長粉。個辣又唔好味，只係一盆又硬又唔好味加左辣嘅豬長粉。最後，拌飯。佢用肥牛，就個人而言已經覺得有啲hea，唔夠熱，好似吉x家個牛飯加蛋加泡菜。咁我點解要嚟食韓式嘢呀？加泡菜就真係等於韓式食品架咩？或者小弟對韓式食品有一路嘅gut feeling，即係食親暫時，暫時都係熱嘅，石頭裝住嘅。對呢一個拌飯有太大期望掛。最後俾錢，姐姐冇多謝冇笑容，乃親身感受，或者小弟及其女友樣子唔端好嘅
坐低，冇人理我哋。女朋友未食嘢先中招，張台冇人抹，仲有啲汁係台面！！叫個姐姐抹佢先出手。喂大姐呀，我哋坐低果嘢都應該做嘢啦，而家即係連上手走果時都冇過郁手....嘔心
好，叫嘢食。叫左個kimbab，一個炸雞，拌飯同年糕。
個kimbab似足我小學整果啲！頂！
炸雞，炸嘢諗住冇得輸啦下嘛，但攞出嚟果下個哥哥仔唔知想攞去邊度，要我哋，即係客人問佢: 係咪我哋架？佢話放低。果一刻個佢個樣，無表情，冇講任何說話，真係正。
到年糕，頂你，舊舊都硬架！我唔知熟同唔熟嘅分別，但可以肯定嘅係 = 硬嘅！同個賣相好似豬長粉。個辣又唔好味，只係一盆又硬又唔好味加左辣嘅豬長粉。
最後，拌飯。佢用肥牛，就個人而言已經覺得有啲hea，唔夠熱，好似吉x家個牛飯加蛋加泡菜。咁我點解要嚟食韓式嘢呀？加泡菜就真係等於韓式食品架咩？或者小弟對韓式食品有一路嘅gut feeling，即係食親暫時，暫時都係熱嘅，石頭裝住嘅。對呢一個拌飯有太大期望掛。
最後俾錢，姐姐冇多謝冇笑容，乃親身感受，或者小弟及其女友樣子唔端好嘅問題。最後見到佢貼係出面嘅牌寫住正宗韓國師父料理。突然覺得自已真係少食韓國嘢，真係唔知咁先係正宗。
張貼