影片
營業時間
星期一至日
12:00 - 23:00
以上資料只供參考, 請與餐廳確認詳情
招牌菜
荃灣街頭既韓式小菜店， 店鋪雖小但冷氣唔太充足有點熱， 夏天如果食火鍋會滴汗。 除了部隊火鍋， 呢度食物款式都幾多。 今次同老公試下韓式伴飯(豬)+炸醬拉麵+韓式小食拼盤。韓式伴飯(豬)材料有翠玉瓜、大豆芽、紅蘿蔔、菇、豆苗仔和豬肉。 將全部伴勻後， 飯既份量都充足夠黏口， 味道辣辣地都幾好。炸醬拉麵這碗炸醬拉麵，同圖片有些少不一樣， 因為碗麵既汁比較好多， 似湯麵多些， 所以以為自己點錯了菜。 這碗麵食落去味道甜甜地。 最後點了個韓式小食拼盤有炸雞、紫菜粉絲卷、泡菜餃子。 泡菜餃子炸到外皮脆， 再沾韓式甜辣醬， 令到味道更昇華了。 紫菜粉絲卷， 外皮被薄薄的紫菜包住柔軟的粉絲一齊炸， 一咬落去外脆內軟。
繼續閱讀
一直對呢間路德圍既小食店情有獨鍾，呢晚臨時起興，同朋友去食宵夜。 因為未食晚餐，所以大家都幾肚餓下。兩個人叫左兩個主食同兩個小食。 小食兩個上左先，一個係魚片，一個係咩咩卷，唔記得左佢叫咩名，魚片有口感，食完會想再食。咩咩卷脆得岩岩好，唔會太硬，微辣。只係加左價，唔係咁值。 我的餃子拉麵，天氣好熱，一定要飲可樂。麵係超市買到既辛麵，不過佢配料多好多，雖然自己屋企整都得，不過整唔到佢咁好味！以前係用碗，今次真係用個鍋放麵，更韓風。 朋友既豆腐鍋飯，以前食過，好味的。 食左小小既大合照。 呢餐飯食得開心，但佢加價加太多，小食平均加五蚊以上？我記得最過份既係部隊鍋，以前食，一百尾就得，依家竟然要二百尾，簡直恐怖。不過主食又無咩點加價，但只叫主食唔叫小食又無癮。 未必有下次了。
繼續閱讀
星期五晚上當然約我的男朋友食反，近期我迷上了（來自星星的你），所以我極力要求食韓國野，因為早前行路德圍時每次行過呢間韓國小店都好多人，所以今次早少少去谂住唔洗等太耐，雖然都係要等，不過都唔算耐，2張枱到我們，一坐底我和男友已經好清楚點咩，因為上幾次經過已經睇左Menu，見到部隊火鍋好吸引，我地開頭怕份量太多食唔日麗，加上我男友唔係好食得辣，所以問下女店員可唔可以少辣，佢好好笑容有禮貌甘話可以，仲話如果真係怕太多食唔曬浪費可以叫廚房少d份量，因為我同男友都支持環保唔想浪費，所以最終要求減少份量！先來2杯暖暖既玉米茶，陣味好香玉米，可惜不可以免費添飲, 係我地正欣賞韓國少女時代MTV之際，終於上菜啦，好丰富呀，雖然顔色睇落好辣，不過食落又晤會太辣，我男友接受到，裡面有四種腸類，三種菜，面餅一塊，芝士，金菇，豆腐，茄汁豆。。。等等仲有年糕，魚片，望落已經好開心，味道好好味，芝士味濃郁，嘻嘻，因為本人好喜愛芝士，d年糕夠彈性，d湯好夠味道，食到甘上下，女店員走來送上一碗反，教我們正宗韓國食法，等d湯開始結就放白反入去撈，哇！味道真係一流，今餐好有滿足感，又唔會食淨又岩岩好飽肚，最緊要服務好，價錢合理，下次一定要帶埋我媽媽黎食！
繼續閱讀
假期，同媽媽及女朋友去荃灣諗住搵好嘢食，點知想食嘅都冇位，應該要等成粒鐘，最後俾我見到有間韓式嘢，仲講？即刻入去。坐低，冇人理我哋。女朋友未食嘢先中招，張台冇人抹，仲有啲汁係台面！！叫個姐姐抹佢先出手。喂大姐呀，我哋坐低果嘢都應該做嘢啦，而家即係連上手走果時都冇過郁手....嘔心 好，叫嘢食。叫左個kimbab，一個炸雞，拌飯同年糕。個kimbab似足我小學整果啲！頂！炸雞，炸嘢諗住冇得輸啦下嘛，但攞出嚟果下個哥哥仔唔知想攞去邊度，要我哋，即係客人問佢: 係咪我哋架？佢話放低。果一刻個佢個樣，無表情，冇講任何說話，真係正。到年糕，頂你，舊舊都硬架！我唔知熟同唔熟嘅分別，但可以肯定嘅係 = 硬嘅！同個賣相好似豬長粉。個辣又唔好味，只係一盆又硬又唔好味加左辣嘅豬長粉。最後，拌飯。佢用肥牛，就個人而言已經覺得有啲hea，唔夠熱，好似吉x家個牛飯加蛋加泡菜。咁我點解要嚟食韓式嘢呀？加泡菜就真係等於韓式食品架咩？或者小弟對韓式食品有一路嘅gut feeling，即係食親暫時，暫時都係熱嘅，石頭裝住嘅。對呢一個拌飯有太大期望掛。最後俾錢，姐姐冇多謝冇笑容，乃親身感受，或者小弟及其女友樣子唔端好嘅問題。最後見到佢貼係出面嘅牌寫住正宗韓國師父料理。突然覺得自已真係少食韓國嘢，真係唔知咁先係正宗。
繼續閱讀
難食的晚餐！牛肉及豬肉伴飯！勁少牛肉，豬肉，配料亦十分少！無味！最重要啲飯係凍架！同個後生待應講，佢竟然話因啲泡菜凍所以整到啲飯凍咗！仲有啲韓阈年糕超硬，吾煙韌！難食！泡菜就可以接受！
繼續閱讀