影片
更多
2011-03-16
56 瀏覽
來小肥羊之前睇過其他食評, 知道茶水有價在有備而來的情況下, 一坐下, 服務員就問我地要乜野茶我 問 : 係咪$9/位服務員才答 : 係我話 : 我地唔要飲茶, 要加$15任飲嗰種服務員答 : 可以, 不過要每位加$10酸菜費, 其實, 每位都要收茶介及酸菜費 我話 : 我地唔要茶及酸菜, 只要任食成人$128+任飲$15就夠服務員話要去問部長, 部長好唔高興咁同佢講, 唔要就收左我地 d 茶杯(同一時間, 個部長自己行左來收茶杯)(有冇攪錯呀, 如果我唔係樣樣問清楚, 我地咪無端端比多四十幾蚊) 呢間野好唔老實呀, 都唔係明碼實價 今日專程和好友來飯聚, 所以冇起身走人要左個鴛鴦鍋係麻辣+清湯麻辣好香好好味原先我地都諗住加$38食埋豪華任食, 見佢地咁嘅服務而且咁o岩今日報紙有免費品菜劵送A級羔羊肉一客(原價$108) 所以就冇加到豪華任食冇時間限制, 任食$128(每位送3兩極品羔羊) + 任飲$15 +10% 今餐每位$160A級羔羊肉入口即溶, A級即係A級, 係唔同 d 極品羔羊同A級比較, 係嚡左 d , 不過都唔錯內蒙肥牛有牛味, 好滑, 同平時港式打邊爐嗰 d
在有備而來的情況下, 一坐下, 服務員就問我地要乜野茶
我 問 : 係咪$9/位
服務員才答 : 係
我話 : 我地唔要飲茶, 要加$15任飲嗰種
服務員答 : 可以, 不過要每位加$10酸菜費, 其實, 每位都要收茶介及酸菜費
我話 : 我地唔要茶及酸菜, 只要任食成人$128+任飲$15就夠
服務員話要去問部長, 部長好唔高興咁同佢講, 唔要就收左我地 d 茶杯(同一時間, 個部長自己行左來收茶杯)
(有冇攪錯呀, 如果我唔係樣樣問清楚, 我地咪無端端比多四十幾蚊)
呢間野好唔老實呀, 都唔係明碼實價
今日專程和好友來飯聚, 所以冇起身走人
要左個鴛鴦鍋係麻辣+清湯麻辣好香好好味
原先我地都諗住加$38食埋豪華任食, 見佢地咁嘅服務而且咁o岩今日報紙有免費品菜劵送A級羔羊肉一客(原價$108) 所以就冇加到豪華任食
冇時間限制, 任食$128(每位送3兩極品羔羊) + 任飲$15 +10% 今餐每位$160
A級羔羊肉入口即溶, A級即係A級, 係唔同 d
極品羔羊同A級比較, 係嚡左 d , 不過都唔錯內蒙肥牛有牛味, 好滑, 同平時港式打邊爐嗰 d 肥牛比較, 內蒙肥牛好味好多
肥羊粉第一次食, 煮到半透明就食得, 煙煙韌韌, 幾得意
墨魚滑彈牙有鮮味
基圍蝦好明顯唔生猛, 不過, 有鮮蝦味喎
羊肉丸 so so 地, 幾好味
山根迷你山根都係第一次食, 麻麻地, 都係大粒好味 d
魚類好新鮮, 好友一人都要左雙份
口水雞雞肉夠滑, 陳醋青瓜夠爽脆
其他就普普通通啦~
任飲有百事, 七起, 激浪, 青島純啤, 竹蔗水(低糖o岩晒我地好在冇加$38, 佢原本嗰張 Order 紙 d 食物選擇都好多, 我地好多都冇點到, 因為已經好飽
埋單每$200就送一張有效期一個月的$50現金劵
味道係好d 西裝男(估計係部長或經理)服務就好唔得, 全晚吹水及黑面, 所以服務:1分係比佢地嘅
反而傳菜及換碟姐姐就好好禮貌...
唔知, 仲有冇下次呢???
張貼
