金牛火鍋飯店 (已結業)

5月24號一行四人係呢間火鍋店晚餐。七點十五分已經冇魚角，七點三十分牛𦟌、鮮蝦都售罄。服務員推銷花竹蝦，6隻售價$150，拒絕左，服務態度一般。最壞嘅係埋單嘅時候冇叫花竹蝦但係單上面已經加咗呢一個價錢。找服務員確認，態度非常之差。最蠱惑嘅地方就係張單話免加一，我哋攞個計數機出嚟計下，計一計條數係多咗百幾蚊，問服務員點解，張單列明免收加一，服務員確定一定要收加一。各位請小心呢，因為有乜可能咁早就賣晒牛𦟌、鮮蝦，冇選擇下唯有要幫襯佢哋$300一碟嘅手切牛肉。