影片
更多
2016-11-09
600 瀏覽
曾經幫襯過灣仔分店既Espuma, 上次為左一嘗afternoon tea而過海, 價錢平之餘味道都唔錯 😂今晚嚟到尖沙咀食晚飯, 選擇左H8 2/F 既佢.. 每次食飯之前都會上openrice睇一睇食評, 好多人都講到呢度嘅服務態度好差🤔🤔🤔 今日試一試就知龍與鳳😌當日提早book左枱大概晚上七點黎到, 暫時唔算太多人..好快就已經安排入座尖沙咀分店都幾大, 而且座位方面分開咗兩個區域, 剛好同男朋友安排坐咗喺窗邊, 而且呢度嘅設計以木枱木凳木地板做主, 感覺令人好舒服😊Menu嘅食物種類繁多, 選擇困難症嘅我最後揀咗呢度嘅Set Menu $468/for 2 👫套餐包小食拼盤, 餐湯, 2份主食, 甜品 & 飲品飲品只係包普通野咖啡或茶, 可加＄15轉special drink🍹 ＄15 special drink🍹 除咗有咖啡之外仲有果茶蜜桃柚子茉莉茶 🍹聞落好香陣陣桃味, 飲落唔算太重味, 同茉莉花茶味都幾夾南瓜忌廉湯 🍵套餐除咗有南瓜湯之外仲有雜菌湯可供客人選取, 南瓜味都幾濃厚, 忌廉湯嘅質感有點杰身, 如果飲得太多都會有點飽肚黎喇黎喇終於有嘢食啦👏🏻👏🏻👏🏻😀精選小食
曾經幫襯過灣仔分店既Espuma, 上次為左一嘗afternoon tea而過海, 價錢平之餘味道都唔錯 😂今晚嚟到尖沙咀食晚飯, 選擇左H8 2/F 既佢..
每次食飯之前都會上openrice睇一睇食評, 好多人都講到呢度嘅服務態度好差🤔🤔🤔 今日試一試就知龍與鳳😌
當日提早book左枱大概晚上七點黎到, 暫時唔算太多人..好快就已經安排入座尖沙咀分店都幾大, 而且座位方面分開咗兩個區域, 剛好同男朋友安排坐咗喺窗邊, 而且呢度嘅設計以木枱木凳木地板做主, 感覺令人好舒服😊
Menu嘅食物種類繁多, 選擇困難症嘅我最後揀咗呢度嘅Set Menu $468/for 2 👫套餐包小食拼盤, 餐湯, 2份主食, 甜品 & 飲品
飲品只係包普通野咖啡或茶, 可加＄15轉special drink🍹 ＄15 special drink🍹 除咗有咖啡之外仲有果茶
蜜桃柚子茉莉茶 🍹聞落好香陣陣桃味, 飲落唔算太重味, 同茉莉花茶味都幾夾
南瓜忌廉湯 🍵套餐除咗有南瓜湯之外仲有雜菌湯可供客人選取, 南瓜味都幾濃厚, 忌廉湯嘅質感有點杰身, 如果飲得太多都會有點飽肚
黎喇黎喇終於有嘢食啦👏🏻👏🏻👏🏻😀精選小食拼盤嘅賣相相當吸引❤️
-小食拼盤-
西班牙黑毛豬火腿配火箭菜 x4
焦糖單骨雞翼 x4
黑毛豬火腿薯蓉 x2
其實小妹一向對火箭菜麻麻地, 反而男朋友好中意! 黑毛豬火腿鹹香但食落唔會太咸, 包住火箭菜一齊食唔會喧賓奪主, 中和返火腿嘅鹹香味👏🏻👏🏻👏🏻
單骨雞翼有別於採用平時嘅蜜糖做食材, 反而用上焦糖, 因為焦糖有啲杰身, 食落難免會有少少痴牙🙈🙈🙈 不過焦糖味道比一般蜜糖味濃厚, 食落去都比較香口! 而且雞翼因為揸過嘅關係食落好香脆可口, 唔錯😀😀😀👍🏻黑毛豬火腿切粒在混入薯蓉炸成波波球, 火腿粒點綴咗薯蓉, 食落多咗份鹹味. 點埋配上嘅酸瓜沙律醬真係好好味😋
西班牙黑毛豬火腿pizza🍕呢個真係不得不介紹! ❤️
雖然Pizza嘅材料唔算十分之多, 除咗生菜同小蕃茄做配搭之外, 簡簡單單芝士配上黑毛豬火腿已經好足夠!!
因為Pizza係即叫即做所以熱辣辣送上枱, 一拉之下竟然比我拉出一條好長嘅芝士😍😍😍 真係超級引鍾意芝士嘅人可以選擇呢一個pizza🍕
薄餅外皮好薄身, 食落脆卜卜😁 芝士好多所以食落好香.. 好食唔需要太複雜, 只要配上簡單嘅食材已經係個完美嘅配搭😋
海鮮西班牙炒飯 另+$38 因為原有嘅套餐並不包括呢個炒飯, 如需揀選需另加＄38
海鮮都幾多, 蝦, 青口, 墨魚...
炒飯以黃姜作顏色, 粒粒飽滿既炒飯食落有淡淡黃姜味, 加上鹹肉腸 & 三色椒粒, 成個炒飯都被重重嘅配料包圍着! 而且炒飯底處理得唔錯架! 唔會過分地濕潤, 好惹味, 令我同男朋友一啖又一啖咁接住食😁😁😁 好快就清晒😂
食到99.999%飽竟然仲有個甜品😱😱😱 幸好Cheesecake 唔算好大件, 為呢個豐盛既晚餐畫上完美句號❤️😘
呢個套餐真係好多野食! 令人好滿足, 小胃之人真係會食唔晒, 最後🍕都要打包攞走🙈
至於服務態度方面, 我又唔覺得好似其他人講咁咁差! 相信只係個別事件😊 😊 😊
有機會一定會再來幫襯❤️
張貼
