スーパー丼 (駱克道) (已結業)

上一次黎試左和牛丼同刺身丼，今次係衝住蠟筆小新個雪糕咖喱飯而來！其實呢個Crossover都出左一段日子，真係趕尾班車黎食。① 雪糕咖喱吉列豬扒飯 $118其實本身係叫炸雞飯，不過出錯左都唔緊要拉。半個雪糕係細細個成日食既阿波羅雪糕筒（餐廳應該用其他牌子），插埋枝小新旗仔，幾打卡able。個雪糕筒係腍腍地，不過重點係雪糕麻，溝埋落日式咖喱度，食落奶味重啲，口感厚啲，又幾夾幾好味！至於所謂可選辣度，我就覺得似係加多啲七味粉？呢個小新套餐仲跟兩件腐皮壽司，麵豉湯及一杯特飲。我揀呢杯動感超人芒果特飲味道就唔算特別，不過賣相夠靚。② 日式餃子 $38煎餃子外皮唔脆，全隻腍身餃子，味道唔錯，就差一點香口。