影片
更多
2005-09-19
13 瀏覽
18/9 （Sun）Lunch約0左朋友未夠鐘，餓餓0地去麥記醫肚，本來見到人山人海想轉身走人，眼尾裝到佢出0左個新套餐，都係再次乖乖就範俾錢...板燒雞腿飽餐：板燒雞腿飽﹣飽身要軟熟就梗架啦∼雞腿出奇地同個飽一樣咁軟熟（？！），照燒醬都幾入味，生菜新鮮，整體比以前所謂0既「新出品」好好多。脆薯皇﹣我諗等如炸薯角咋話？！的確比薯條好食，希望可以keep住水準，唔係因為新出品先好味∼後記：同檯0既一家人，有爸爸媽媽小朋友共3人，係咪而家小朋友太矜貴？？？個個都俾父母寵壞晒。話說小朋友見到我個餐，即刻大聲夾惡「要求」（其實係好惡落order語氣）要個同我一樣0既餐，當乖仔係寶0既父母點會唔應承？！之後0係兩個餐三口子共食情況之下，每當父母想拎Ｄ薯角試食（我親眼睇到佢地無食過），小朋友就兇猛地表示成杯薯角都係佢，同時用手擋住杯口唔俾人掂：「成杯都係我架！！！！！你地唔好掂！！！！！！」...我當時真係汗顏。更奇0既係父母不當一回事咁真係縮手唔再食杯薯角，幾秒後，果個「人渣」小朋友口含住個雞扒飽，一手擋住杯薯角，再用一隻僅餘手仔以九秒九速度喪食另一個餐0既薯條....係高速一條接一條咁隊入口，
約0左朋友未夠鐘，餓餓0地去麥記醫肚，本來見到人山人海想轉身走人，眼尾裝到佢出0左個新套餐，都係再次乖乖就範俾錢...
板燒雞腿飽餐：板燒雞腿飽﹣飽身要軟熟就梗架啦∼雞腿出奇地同個飽一樣咁軟熟（？！），照燒醬都幾入味，生菜新鮮，整體比以前所謂0既「新出品」好好多。
脆薯皇﹣我諗等如炸薯角咋話？！的確比薯條好食，希望可以keep住水準，唔係因為新出品先好味∼
後記：同檯0既一家人，有爸爸媽媽小朋友共3人，係咪而家小朋友太矜貴？？？個個都俾父母寵壞晒。話說小朋友見到我個餐，即刻大聲夾惡「要求」（其實係好惡落order語氣）要個同我一樣0既餐，當乖仔係寶0既父母點會唔應承？！之後0係兩個餐三口子共食情況之下，每當父母想拎Ｄ薯角試食（我親眼睇到佢地無食過），小朋友就兇猛地表示成杯薯角都係佢，同時用手擋住杯口唔俾人掂：「成杯都係我架！！！！！你地唔好掂！！！！！！」...我當時真係汗顏。更奇0既係父母不當一回事咁真係縮手唔再食杯薯角，幾秒後，果個「人渣」小朋友口含住個雞扒飽，一手擋住杯薯角，再用一隻僅餘手仔以九秒九速度喪食另一個餐0既薯條....係高速一條接一條咁隊入口，絕無誇張！感覺好似雀仔儲糧塞到兩邊腮脹卜卜咁。有幾次我想開聲話佢，但諗深層，佢父母都接受到，似乎仲幾享受，我都無謂咁多事......之不過如果佢係我個仔，我真係鬧爆佢！！！！！！
註：前兩編「壇島晚餐」，我想澄清「通菜」係錯0既，其實想講「芥蘭」。
張貼
