B家닭갈비 (已結業)

前兩個月黎食過第一次，今日又心思思黎試下個午餐，今日難得阿女有興趣班 放晏，就同老公偷走出黎食個快午餐。我地想叫3個午餐set,個男仔（應該係老闆），叫我地唔好一次過叫，怕我地食唔晒，好啦…咁我地叫住2份先。1.韓式牛肉飯2.部隊鍋拉麵最後我都係忍唔住叫埋第3份3.豚肉炒年糕總結：野食黎得算快，你知啦…食lunch要快嫁麻，上餐速度唔錯，讚。之前夜晚黎食過部隊鍋，原來lunch有小小唔一樣，因為的式d,但一樣味道，辣辣地，我好like個炒年糕，好正，豚肉好淋，入曬味。牛肉飯都正宗，配埋自家製泡菜一絕，簡直刺激味蕾，令人不停食。題外話：新張期間有9折