影片
更多
2021-12-26
40 瀏覽
考完試放學既興趣班都上完，2位公主突然諗起有間餐廳係可以同熊bear bear 一齊食飯，好彩我都失唔晒憶知道佢地講緊 (熊小館)，因為佢地俾左個大既地標題示我，就係門口坐左隻好大既熊bear bear ，所以就諗到係佢喇。搭到車過去都己經係下午茶時間，見2個咁肚餓就決定叫三個set 一人一個，而小朋友一入去。其實己經同舖入邊既大小熊熊玩緊，而每枱一隻既小熊熊就更加係完全冇放低過，攬到實。每張枱都有個細熊bear bear陪住我地食野，店員哥哥見我大囡自己坐，仲抱左隻大bear bear過黎陪佢坐，真係超sweet 。今次我地叫左廚師介既蒜蓉雞扒配飯、小熊套餐A(即係兒童餐) 同埋焗棉花糖吐司。上菜真好快，因為肚餓真係岩晒，店員都好細心一早拎定兒童餐具俾我地。估唔到三樣食物，居然係蒜蓉雞扒黎先，以為會係扒會耐添，黎到就開餐喇，雞扒煎到好香皮好脆，但係入邊仲係好juicy既，所以小朋友都好鍾意食。跟住既兒童餐有天婦羅蝦，雞翼，薯條，熊仔頭做型啫喱同粟米粒，樣樣都係小朋友鐘意食既野，一放底個餐，己經有2枝叉準備好叉落去粒啫喱度，而個天婦羅夠晒酥脆，雞翼同雞扒一樣juicy 。 最後上係焗棉
搭到車過去都己經係下午茶時間，見2個咁肚餓就決定叫三個set 一人一個，而小朋友一入去。其實己經同舖入邊既大小熊熊玩緊，而每枱一隻既小熊熊就更加係完全冇放低過，攬到實。
每張枱都有個細熊bear bear陪住我地食野，店員哥哥見我大囡自己坐，仲抱左隻大bear bear過黎陪佢坐，真係超sweet 。
今次我地叫左廚師介既蒜蓉雞扒配飯、小熊套餐A(即係兒童餐) 同埋焗棉花糖吐司。
上菜真好快，因為肚餓真係岩晒，店員都好細心一早拎定兒童餐具俾我地。估唔到三樣食物，居然係蒜蓉雞扒黎先，以為會係扒會耐添，黎到就開餐喇，雞扒煎到好香皮好脆，但係入邊仲係好juicy既，所以小朋友都好鍾意食。
跟住既兒童餐有天婦羅蝦，雞翼，薯條，熊仔頭做型啫喱同粟米粒，樣樣都係小朋友鐘意食既野，一放底個餐，己經有2枝叉準備好叉落去粒啫喱度，而個天婦羅夠晒酥脆，雞翼同雞扒一樣juicy 。
最後上係焗棉花糖吐司，其實果時我地都飽晒，不過你睇住件吐司真係超級吸引，烘到香脆既吐司加埋大大粒綿花糖再加上朱古力漿，真係好難抗拒架。本來都覺得會好甜，但係食落俾吐司中和左，又唔係想像中果件事咁。班細己經諗定下次黎要N call 呢個吐司喇。
張貼
