飲茶 (朗豪坊) (已結業)

有朋自遠方來，一行成11人又有小朋友，約出去食飯最好就係揀啲有得訂座嘅餐廳啦！💕平時食開西餐嘅朋友提議想試吓中餐，所以決定去朗豪坊嘅飲茶試吓！😋流口水雞雞肉採用左雞卷嘅做法，完全冇骨，所以食起嚟嘅時候非常之方便兼啖啖肉😋個人覺得叫得口水雞辣味可以再加重返少少！旁邊嘅辣椒乾口感都幾特別，有啲似蔬果脆片，不過咸咗啲！炒蝦腸粉蝦既份量都算足，而蝦肉嘅質地都爽脆彈牙既！腸粉都好有豉油王風味！呢個真係唔錯！蟹籽燒賣真心普通咗啲....除咗個皮係綠色之外...冇乜特別🤣一籠八戒賣相可愛嘅豬仔叉燒包🐷小朋友一見到就搶着話想食💕結果當然係食得好滋味啦！所以encore 多一籠先夠喉😆睇住流奶🤣個名係衰咗少少，其實就係奶黃流沙包！咬開嘅時候要小心啲，因為啲流沙真係好澎湃!又係小朋友必食推介💕椒鹽鬍鬚🧔其實就係椒鹽魷魚鬚，外皮香口酥脆，肉質嫩滑！正！💕辣蟻粉絲我本身都好鍾意食粉絲😍呢個粉絲軟硬度剛剛好唔會太冧，豬肉碎帶少少辣，好惹味！幾乎俾我一個人食晒😂青瓜皮蝦顧名思義就係用薄片嘅青瓜卷住鮮蝦，上面鋪咗啲類似蒜泥白肉嘅蒜蓉醬，作為前菜小食都幾清新開胃，唔錯嘅！舉手雞花類似菠蘿咕嚕肉嘅做法，不過換咗做雞搥，