影片
更多
2020-07-02
1408 瀏覽
同朋友喺D2 Place行街，見到有廚十三嘅分店，久仰大名，但一直未有機會試，同朋友直接決定午餐地點。一入門口有等候區，木製嘅層架上面放滿醃製酸菜用嘅甕缸，別有一番風味。餐廳主打酸菜魚，價錢按份量劃分，分別有土豪份、大份同小份，可以按人頭選擇合適嘅份量，仲可以另加配菜。除咗酸菜魚之外，亦有小菜可以選擇，但種類並唔多。我哋揀咗午市雙人套餐，包括兩人份量嘅酸菜魚、米線同酸梅湯。一上菜我哋有少少驚訝，酸菜魚嘅份量少得可憐，數落大概只有七至八片，即使已經加入米線，望落依然空蕩蕩。湯底偏油，雖然味道唔難食，酸菜味道亦好重，但感覺就係單純嘅酸菜味，層次感唔重，欠缺該有嘅酸爽同辣勁，唔夠香亦唔夠濃厚。魚片算係爽口，但唔夠嫩滑，而且一夾就散。除咗魚片之外，仲有蓮藕片、豆腐、芽菜同金菇等配料，但份量同樣少得可憐，金菇更加係只有兩條，我差啲懷疑佢係咪蕩失路⋯⋯米線份量同樣少，而且偏硬，部份更似乎係未熟透⋯⋯米線硬到能夠「一柱擎天」，實在係無話可說⋯⋯飲品方面係原樽嘅康師傅酸梅湯，味道唔錯，清爽解辣。食過好幾間唔同嘅酸菜魚，雖然未至於間間都能夠同回憶中嘅太二去比較，但至少相距不遠，呢間係唯一一間令人失望成咁
同朋友喺D2 Place行街，見到有廚十三嘅分店，久仰大名，但一直未有機會試，同朋友直接決定午餐地點。
一入門口有等候區，木製嘅層架上面放滿醃製酸菜用嘅甕缸，別有一番風味。
餐廳主打酸菜魚，價錢按份量劃分，分別有土豪份、大份同小份，可以按人頭選擇合適嘅份量，仲可以另加配菜。
除咗酸菜魚之外，亦有小菜可以選擇，但種類並唔多。
老壇酸菜魚雙人套餐(午市)
$168
90 瀏覽
0 讚好
0 留言
我哋揀咗午市雙人套餐，包括兩人份量嘅酸菜魚、米線同酸梅湯。一上菜我哋有少少驚訝，酸菜魚嘅份量少得可憐，數落大概只有七至八片，即使已經加入米線，望落依然空蕩蕩。湯底偏油，雖然味道唔難食，酸菜味道亦好重，但感覺就係單純嘅酸菜味，層次感唔重，欠缺該有嘅酸爽同辣勁，唔夠香亦唔夠濃厚。
老壇酸菜魚雙人套餐(午市)
$168
51 瀏覽
0 讚好
0 留言
魚片算係爽口，但唔夠嫩滑，而且一夾就散。
老壇酸菜魚雙人套餐(午市)
$168
37 瀏覽
0 讚好
0 留言
除咗魚片之外，仲有蓮藕片、豆腐、芽菜同金菇等配料，但份量同樣少得可憐，金菇更加係只有兩條，我差啲懷疑佢係咪蕩失路⋯⋯
老壇酸菜魚雙人套餐(午市)
$168
29 瀏覽
0 讚好
0 留言
米線份量同樣少，而且偏硬，部份更似乎係未熟透⋯⋯
老壇酸菜魚雙人套餐(午市)
$168
23 瀏覽
0 讚好
0 留言
米線硬到能夠「一柱擎天」，實在係無話可說⋯⋯
酸梅湯
10 瀏覽
0 讚好
0 留言
食過好幾間唔同嘅酸菜魚，雖然未至於間間都能夠同回憶中嘅太二去比較，但至少相距不遠，呢間係唯一一間令人失望成咁，食物質素有待改善，份量更加係少得令人咋舌，未免顯得太小家子氣，賺錢固之然重要，但客人嘅真實體驗更值得重視，希望餐廳能夠認真改善，否則實在好難累積回頭客⋯⋯
張貼
