• 三回 • 咖啡 •

營業中

休息中

今日想與朋友小聚，行到海濱公園尾，走咗去間新開樓上cafe。上到去環境乾淨，座位都闊落，白色主調令人感覺舒服。見到門口有手寫新品，入新店就試下新品—燒鳥炊煮，再叫左杯熱朱古力。個飯好好食，雞肉嫩滑，雞皮香脆，杯朱古力都好好飲喎。仲有個紅菜頭漬物都好正呀！😋同行友人叫左個All Day Breakfast，唔記得影相，好飽足之餘，個果醬真係好好味，唔係太甜，但同個包好夾。佢叫左杯Mocha，個獨角獸拉花真係靚喎！😍我地仲食左佢地個甜品🍮—焦糖布甸，跟餐都好平，唔太甜好好味。🥰入座時間人流唔算多，所以真係坐得好舒服，適合閏蜜傾下計，情侶應該都啱去。仲想講下個妹妹仔侍應都好細心有禮貌。😎下次去海濱都可以去再三回味。