Ocio オシオ (已結業)

嚟荷里活廣場，通常都係睇戲😂原來Ocio上年喺鑽石山開咗分店，裝潢以木系同白色等淺色系為主，中間仲擺放咗一棵真樹！餐廳主打日系甜品同唔同類型嘅菜式。今次一於嚟試下佢個招牌甜品！ 芝士焗波士頓龍蝦拿破崙海鮮手工麵🦞🍝香濃嘅芝士鋪喺龍蝦上面，龍蝦肉質厚實，手工麵質彈牙，裹滿茄汁，酸酸甜甜，極速KO😂 露絲瑪莉烤焗燒春雞🌿🐓皮脆肉嫩，一啲都唔肥膩，rosemary香味突出，平均塗抹喺雞上面。唔點汁都好juicy，蘸上醬汁又係另一番風味。 迷你芝士流心蛋燒南瓜煱伴脆皮單骨雞翼🍗南瓜入面係芝士同流心蛋，邪惡到呢！脆皮雞翼點芝士流心蛋，好creamy。仲可以刮埋啲好甜嘅南瓜肉出嚟食添！ 奧斯蜜瓜雪山熱香餅 (加雲尼拿雪糕)🍈必點甜品！以為冇雪糕所以加咗一球雲尼拿雪糕，點知原來本身已經有🤭一啖有齊軟棉棉嘅熱香餅、脆卜卜嘅蜜糖星星、奶滑嘅雲尼拿雪糕、清甜嘅新鮮蜜瓜，口感層次十分豐富。