影片
更多
2020-01-20
59 瀏覽
呢間喺出邊望落去已經好吸引，全落地玻璃配上簡潔嘅設計，完全好似身處歐美café 咁呀！.餐廳🍴環境簡單嚟講分左三份，一邊係烘焙空間🧁間唔中會有烘焙課程，一邊係烘焙店賣即日製造嘅包同甜品，再另一邊就係餐廳，我地今日嘅戲肉啦！.凱撒沙律配蘑菇湯 沙律好新鮮爽口，平時飲嘅蘑菇湯成日都比個奶味蓋過蘑菇味，但今次呢個就唔會，飲落仲唔膩tim!.格陵蘭比目魚配刁草忌廉汁 （套餐$149 有湯配沙律🥗）比目魚煎到四邊香脆，係！係四邊係連魚皮都煎得好香脆，肉質非常嫩滑！比目魚仲要冇咩骨，岩哂我呢啲唔多識食魚嘅人啦！再配上忌廉汁清清地唔會蓋過魚本身嘅鮮味！配菜仲有蘆筍烤薯粒及烤菇，蔬菜🥬都食得出鮮味！.班尼狄蛋（兩件）煙三文魚配幼稚菠菜 — 個蛋啱啱好流心，個包就硬左少少，切嘅時候都要幾用力先切到。牛油果醬🥑班馬火腿海蝦 — 呢個有驚喜，牛油果醬勁滑身，三樣主角夾埋都分別食得出佢地嘅鮮味！.檸檬🍋批酸酸甜甜立即去走食主菜嘅飽肚感，酸味適中，但餅底個人應為可以再減甜就更好了！.吉士拿破崙個吉士醬唔會太甜配上偏淡的穌皮味道剛好，如穌皮再脆一啲就更好啦！.百利甜酒朱古力呢個真係超邪惡呀！冇得輸！一飲落先飲到朱
呢間喺出邊望落去已經好吸引，全落地玻璃配上簡潔嘅設計，完全好似身處歐美café 咁呀！.
餐廳🍴環境簡單嚟講分左三份，一邊係烘焙空間🧁間唔中會有烘焙課程，一邊係烘焙店賣即日製造嘅包同甜品，再另一邊就係餐廳，我地今日嘅戲肉啦！.
凱撒沙律配蘑菇湯 沙律好新鮮爽口，平時飲嘅蘑菇湯成日都比個奶味蓋過蘑菇味，但今次呢個就唔會，飲落仲唔膩tim!
.
格陵蘭比目魚配刁草忌廉汁 （套餐$149 有湯配沙律🥗）
比目魚煎到四邊香脆，係！係四邊係連魚皮都煎得好香脆，肉質非常嫩滑！比目魚仲要冇咩骨，岩哂我呢啲唔多識食魚嘅人啦！再配上忌廉汁清清地唔會蓋過魚本身嘅鮮味！配菜仲有蘆筍烤薯粒及烤菇，蔬菜🥬都食得出鮮味！
.
班尼狄蛋（兩件）煙三文魚配幼稚菠菜 — 個蛋啱啱好流心，個包就硬左少少，切嘅時候都要幾用力先切到。
牛油果醬🥑班馬火腿海蝦 — 呢個有驚喜，牛油果醬勁滑身，三樣主角夾埋都分別食得出佢地嘅鮮味！
.
檸檬🍋批酸酸甜甜立即去走食主菜嘅飽肚感，酸味適中，但餅底個人應為可以再減甜就更好了！
.
吉士拿破崙個吉士醬唔會太甜配上偏淡的穌皮味道剛好，如穌皮再脆一啲就更好啦！
.
百利甜酒朱古力呢個真係超邪惡呀！冇得輸！一飲落先飲到朱古力嘅香濃，再喺口腔慢慢有百利甜酒嘅酒香，愛飲百利甜酒嘅你哋推介呀！
張貼
