Lagom Kaffe (已結業)

環境裝修木系小清新，室內非常空曠，播住音樂加埋人聲，十分應聲，户外位應該靜啲。落單用QR code，有啲難用，唔知點解不停hang機。*嫩煎干貝忌廉黑松露醬汁意粉 $108攞盤滿分，干貝面頭煎到焦香，入面半生熟，鮮甜味一般，食落唔知係唔係刺身級。醬汁非常creamy，黑松露味道濃郁，配淡淡忌廉奶香，意粉煮到彈牙偏硬，但份量太少啦呱。台式鹹豬肉蒜芯蕃茄醬汁意粉 $88攞盤依然十分吸睛，鹹豬肉二分肥八分瘦，鹹香十足，帶少少台南style嘅甜味。海量嘅蕃茄醬汁，酸少甜更多，蕃茄清爽嘅甜配鹹豬肉意外地夾。蒜芯甚是辛辣，而且咬落有啲渣，配合唔到意粉嘅質感。鮮奶咖啡 (跟午餐+$17)香味普通，飲落都一般，而且加錢好貴哦。提拉米蘇 (跟午餐+$30)朋友極力大推所以我必須要嗌！唉，冇得叫後上已經扣咗分，好彩我食意粉食得快，提拉米蘇未熱晒。佢有齊提拉米蘇嘅元素，手指餅吸滿咖啡，香但唔夠濃。芝士糊有少許蛋黃香，馬斯卡彭芝士味稍弱，酒味微乎其微，幾乎為0。芝士糊同手指餅比例係1:1，連埋面頭嘅鮮忌廉食都唔會太膩。