Food Combo (已結業)

位於屯門站對面的新樓盤parkville，樓下有幾家新餐廳，為屯門新墟呢頭的老舖帶來生氣。其中呢間food combo小店主打西式定食，每個餐有主菜、餐湯、沙律、小食、生果，打卡幾靚～環境小清新，光猛舒服。-明正言順的fusion特色，我既西班牙海鮮飯偏濕軟，唔算好正宗，不過口味大眾化，兼配料豐富，配菜泰式青木瓜沙律及焦糖青檸雞翼惹味不錯，比西餐出色。朋友的卡邦尼大通粉配溫泉蛋賣相漂亮，忌廉汁偏薄身，配蒜蓉牛油大蝦及華都夫沙律，相片的開邊大蝦同實物有點出入，大蝦變了兩隻蝦仁，都唔算細隻既，但開頭我還以為是轉了帶子😂-最欣賞這個水吧的設計，三款飲品都各具特色，頗有誠意，個人認為如果用西餐常用的高身水杯，影相會更靚🤣-總結定食食材豐富，仲有生果，可以一次過攝取唔同營養，雖然價錢唔算平，但是還好不用加一，兼坐得舒服。