影片
更多
2024-07-03
126 瀏覽
講咗成個月嘅行山之旅，呢日終於成行🐵 出發之前梗係先要醫飽個肚🤤 朋友仔知我鍾意食 #芝士蛋糕，極力推介我哋去試吓佢公司附近間餐廳「FUFA Life 孵化生活」，話佢哋嘅芝士蛋糕做得相當出色，而且食物同服務都唔錯，建議我哋可以試吓！我哋約喺 #荔枝角港鐵站C出口 集合，過條馬路就到達我哋嘅目的地 #孵化生活。餐廳裝飾得好有「誠品」小清新嘅風味，用餐同酒吧區自成一角，感覺都幾舒服🍃 餐廳上嘅食物選擇都唔少，因為唔想諗，最終我哋叫咗三份 #午餐，加咗啲 #小食 同 #蛋糕 嚟share😉午餐包咗個 #泡沫蘑菇湯 同 #冰果茶，湯嘅菇味好香濃，襯埋杯凍冰冰嘅果茶清吓味蕾，正好為一餐作好準備🤤主菜🍽️🐤烤檸檬香草法國春雞 - 鮮嫩雞肉有陣陣嘅檸檬同香草香氣，配埋香脆嘅薯條，正呀喂🤤🍄🟫芝士蘆筍黑松露雜菌意大利飯 - 淡淡嘅黑松露香氣撲鼻，飯粒嘅軟硬度做得恰到好處🤤🥗一樓沙律配雞肉、蛋、牛油果 - 生果粒同沙律菜分開上，可以減少水果同蔬菜水份嘅流失，再加上特製醬汁「腰果芝麻汁」，香口得嚟又淡淡芝麻香，非常滋味🤤小食🐣冬陰功雞翼 - 香脆嘅外皮，配上冬陰功特有嘅香辣味道，啖啖肉好豐富呀🤤甜品🍰
我哋約喺 #荔枝角港鐵站C出口 集合，過條馬路就到達我哋嘅目的地 #孵化生活。餐廳裝飾得好有「誠品」小清新嘅風味，用餐同酒吧區自成一角，感覺都幾舒服🍃 餐廳上嘅食物選擇都唔少，因為唔想諗，最終我哋叫咗三份 #午餐，加咗啲 #小食 同 #蛋糕 嚟share😉
午餐包咗個 #泡沫蘑菇湯 同 #冰果茶，湯嘅菇味好香濃，襯埋杯凍冰冰嘅果茶清吓味蕾，正好為一餐作好準備🤤
主菜🍽️
🐤烤檸檬香草法國春雞 - 鮮嫩雞肉有陣陣嘅檸檬同香草香氣，配埋香脆嘅薯條，正呀喂🤤
🍄🟫芝士蘆筍黑松露雜菌意大利飯 - 淡淡嘅黑松露香氣撲鼻，飯粒嘅軟硬度做得恰到好處🤤
🥗一樓沙律配雞肉、蛋、牛油果 - 生果粒同沙律菜分開上，可以減少水果同蔬菜水份嘅流失，再加上特製醬汁「腰果芝麻汁」，香口得嚟又淡淡芝麻香，非常滋味🤤
小食🐣
冬陰功雞翼 - 香脆嘅外皮，配上冬陰功特有嘅香辣味道，啖啖肉好豐富呀🤤
甜品🍰
巴斯克芝士蛋糕 - 呢件芝士蛋糕可以話係成餐嘅重頭戲，濃郁嘅芝士味道，加埋流心嘅芝士溶，口感非常豐富🤤 係 #小秘書 encore之選
咖啡☕️
Dirty - 冷熱交錯嘅口感，加上淡淡嘅咖啡香，非常醒神
整體嚟講餐廳嘅食物同埋服務都令 #小秘書 非常滿意，就算簡簡單單要求杯熱水，服務員居然拎埋個暖壺過嚟，服務非常細心，令人有一種賓至如歸嘅感覺❤️
📍 孵化生活 (荔枝角) 青山道495號誠信中心1樓2號舖
張貼
