小火焰韓式咖啡廳 (觀點中心) (已結業)

新年至今，都乖乖宅在家，早午晚都在家用餐。今天和老公出外用餐抖抖氣～入座後店員介紹餐廳為客人準備的抗疫措施😌有紙信封讓我們放口罩，每枱均有一支可食用消毒噴霧，可自己消毒餐具及雙手。簡單點了個二人餐，沙律、小食、鍋物、主食，仲有甜品飲品，豐富！唔洗加錢嘅乳酸特飲😎我個杯巨峰味道唔錯，比例適中不過甜～炸雞酸酸辣辣，炸得酥脆肉嫩，配上清新沙律菜個平衡好平衡🤣呢個菜式我第一次見，個名就唔多吸引，豬肉餅令我聯想到蒸肉餅啲friend🤨但入口另一回事，好好味，個醋汁酸度適中，肉餅腍，唔乾，想encore 嚟多個😍迷你鍋～除了豬手，仲有年糕、紹菜、粉絲。我鍾意粉絲多過豬手😛韓國粉絲彈牙～連埋個濃湯一齊飲，正！多數拉絲都是邪惡的，呢個都唔例外😆勁多芝士，特濃醬汁，好味但略嫌太多醬嘞⋯⋯如果加返啲泡菜伴碟會仲正！呢杯奶凍真係完美無比嘅句號😌香。濃。滑。完美。