金滿海鮮酒家 (已結業)

前幾晚食完晚飯,約了幾個人去九龍城"金滿"食少炒及吹水。一去到幾條友仔已經叫了冰凍的麥啤飲。一口椒鹽豆腐 ~~豆腐炸得好香口,內裡又不會乾身,豆腐滑溜,一口可以把豆腐食了,再面上加了椒鹽粉及炸過的香蒜碎。一口豆腐,一口啤酒。金滿小炒皇 ~~少炒皇一上枱已感覺到好有鑊氣,遠遠已經聞到香味,有鮮嫩口九菜,煙煙韌韌的魷魚鬚,鮮嫩青/紅/黃椒,曬乾了蝦乾及魚仔乾,香脆的腰果。椒鹽蝦~~用新鮮的蝦輕輕的炸過,再用椒鹽及香蒜炒一下,我一向鍾意連殼食,但不是人人喜歡。蝦殼香脆,好似食薯片卜卜聲,蝦肉嫩又香。三杯雞煲 ~~好有鑊氣三杯雞煲,一打開煲蓋,酒香,有好多洋蔥及香蒜,D洋蔥吸收晒所有的精華非常好食,雞肉又滑又入味。以上的菜式,適合飲酒人士與朋友聚會時食,也適合食飯人士食,但要叫多幾款不同的菜式。透明四色水晶飽~~最後我特別要求水晶飽甜品食,雖然配酒格格不入,但我鍾意食無所謂啦。我食了紅豆餡,水晶皮簿,餡又多,但是底部厚了一點點,如果簿D,就好好食了。下次我要去試海鮮晚餐。