影片
更多
2023-08-02
873 瀏覽
經友人介紹，月內已第三次造訪。今次飯局是一個男士聚會，一行6 人，最愛到處嚐鮮喝甜。選址此店，因為食過兩次，水準深穩定，故相約友人同往。今次朋友收工特地去深水步街市買了南非鮑、大大隻蟶子、大中蝦到店加工，試試其烹海鮮的手勢。安哥一口蠔油炸功夫好, 外皮脆, 珠蠔入面仲係好多汁又鮮嫩。招牌咕嚕肉外皮嘅脆漿做得香脆可口, 咬落卜卜脆, 表面酸甜汁夠甜夠酸, 但又唔過份, 做到解膩嘅效果, 再食返塊菠蘿, 甜甜酸酸同D 酸梅汁互相暉映, 甚滿足。 豉椒炒大蟶子(來料加工 )米粉底豉味香濃, 青紅椒爽口, 夠香夠味, 煎米底脆口帶酥, 加上煮得生剛熟嘅啖啖肉大蟶子, 脆及爽嘅感覺同場出現, 滿足！馬拉盞芥蘭煲揀手芥蘭, 斜切, 加上些少肉末同馬拉盞吊味，鹹香肉香夾雜芥蘭嘅爽甜帶澀，加上熱辣辣嘅煲仔, 同埋留意煲底無多餘水, 食得稱心，平時不太愛食菜的我都要多夾兩著。欖菜美極蝦球中蝦被炸得乾、香、脆，加上欖菜及美極嘅鹹香鮮襯得相當好。蝦殼香脆，加啖啤酒，連嚼帶吞，一下子幹掉4 隻，爽快！鵝掌翼店內有一出品在香港較少見「碌鵝」，此掌翼就是用碌鵝汁去做的，炆得夠淋身，軟滑香濃，宜餸飯。我最喜愛這一味
今次朋友收工特地去深水步街市買了南非鮑、大大隻蟶子、大中蝦到店加工，試試其烹海鮮的手勢。
安哥一口蠔
油炸功夫好, 外皮脆, 珠蠔入面仲係好多汁又鮮嫩。
安哥一口蠔
30 瀏覽
0 讚好
0 留言
招牌咕嚕肉
外皮嘅脆漿做得香脆可口, 咬落卜卜脆, 表面酸甜汁夠甜夠酸, 但又唔過份, 做到解膩嘅效果, 再食返塊菠蘿, 甜甜酸酸同D 酸梅汁互相暉映, 甚滿足。
招牌咕嚕肉
12 瀏覽
0 讚好
0 留言
豉椒炒大蟶子(來料加工 )米粉底
豉味香濃, 青紅椒爽口, 夠香夠味, 煎米底脆口帶酥, 加上煮得生剛熟嘅啖啖肉大蟶子, 脆及爽嘅感覺同場出現, 滿足！
豉椒炒大聖子(來料加工 )米粉底
10 瀏覽
0 讚好
0 留言
馬拉盞芥蘭煲
揀手芥蘭, 斜切, 加上些少肉末同馬拉盞吊味，鹹香肉香夾雜芥蘭嘅爽甜帶澀，加上熱辣辣嘅煲仔, 同埋留意煲底無多餘水, 食得稱心，平時不太愛食菜的我都要多夾兩著。
馬拉盞芥蘭煲
10 瀏覽
0 讚好
0 留言
欖菜美極蝦球
中蝦被炸得乾、香、脆，加上欖菜及美極嘅鹹香鮮襯得相當好。蝦殼香脆，加啖啤酒，連嚼帶吞，一下子幹掉4 隻，爽快！
鵝掌翼
店內有一出品在香港較少見「碌鵝」，此掌翼就是用碌鵝汁去做的，炆得夠淋身，軟滑香濃，宜餸飯。我最喜愛這一味，喜愛程度比由細食到大嘅潮州鹵水掌翼更高。
椒鹽南非鮑魚（來料加工）
友人今次買的南非鮑魚比較大隻，店員建議開半做椒鹽。油鑊工夫相當了得，粉貼、碟底無油，調得惹味，加上本身鮑魚新鮮件頭足，啖啖肉索索聲，美哉！
張貼
