蟹點

營業中

休息中

距離海洋公園站只有三個站, 到達海怡半島, 出地鐵後步行約兩分鐘, 抵達呢間主打泰粵小炒嘅「蟹點」食dinner。餐廳環境寬敞舒, 適合大小聚會, 更設有戶外座位、自設魚缸, 供應多種海鮮。食物款式選擇多, 泰菜、粵式小炒, 款式令人花多眼亂。同時更供應晚飯孖寶同埋大眾點評優惠券, 更為抵食!!而最最最吸引當然係呢度嘅招牌菜---白胡椒蟹, 不得不點!【招牌白胡椒蟹】HK$628大大隻蟹斬件整齊放於熱辣辣鐵板上, 上檯後隨即淋上白胡椒醬, 滋滋聲同時散發陣陣白胡椒香氣; 蟹被預先拖油過, 鎖住了原汁原味, 能拆出梳梳蟹肉, 白胡椒醬令味道更加提鮮, 微辣惹味, 令人回味。【豉汁蒸白鱔】HK$148 鱔皮爽肉嫩, 爽彈有鮮味, 配上鹹甜豉汁, 鮮味十足!【星洲炒米】HK$78炒得好有穫氣, 米線沒有半點油膩, 咖哩味偏淡, 本身自己係愛辣之人, 如果味道再辣一D會更好。米線中仲配有蛋碎、肉絲、芽菜、蔥、爽蝦等, 豐富了口感層次。【芒果沙冰】HK$39沙冰打得幼細, 入口即溶, 芒果同甜度偏淡, 唔會死甜。