蟹點

營業中

休息中

距離海洋公園站只有三個站, 到達海怡半島, 出地鐵後步行約兩分鐘, 抵達呢間主打泰粵小炒嘅「蟹點」食dinner。餐廳環境寬敞舒, 適合大小聚會, 更設有戶外座位、自設魚缸, 供應多種海鮮。食物款式選擇多, 泰菜、粵式小炒, 款式令人花多眼亂。同時更供應晚飯孖寶同埋大眾點評優惠券, 更為抵食!!而最最最吸引當然係呢度嘅招牌菜---白胡椒蟹, 不得不點!【招牌白胡椒蟹】HK$628大大隻蟹斬件整齊放於熱辣辣鐵板上, 上檯後隨即淋上白胡椒醬, 滋滋聲同時散發陣陣白胡椒香氣; 蟹被預先拖油過, 鎖住了原汁原味, 能拆出梳梳蟹肉, 白胡椒醬令味道更加提鮮, 微辣惹味, 令人回味。【豉汁蒸白鱔】HK$148 鱔皮爽肉嫩, 爽彈有鮮味, 配上鹹甜豉汁, 鮮味十足!【星洲炒米】HK$78炒得好有穫氣, 米線沒有半點油膩, 咖哩味偏淡, 本身自己係愛辣之人, 如果味道再辣一D會更好。米線中仲配有蛋碎、肉絲、芽菜、蔥、爽蝦等, 豐富了口感層次。【芒果沙冰】HK$39沙冰打得幼細, 入口即溶, 芒果同甜度偏淡, 唔會死甜。

上次陪朋友去海洋公園睇熊貓 之後再去蟹點，品嚐超有南洋風味的椰漿咖哩蟹呢!餐廳遠處 已見到藍色的外牆，好容易找 而且餐廳內仲有勁大個魚缸，養住d海鮮，即叫即撈！😍招牌菜式咖喱大蟹 🦀這隻約一斤半的大蟹，大份有齊蟹鉗、蟹身體及蟹腳，多肉而且新鮮!濃厚的咖喱醬汁使我一食 難忘 送飯一流呀，啖啖椰香清甜和微辣的咖喱 交融，好吃到意猶未盡!🤩另外午餐都好抵，平均$6x$7x 套餐， 而我們點了蒸黃花魚套餐包飯及飲品， 性價比好高!仲好正tim蟹點 🦀地址:鴨脷洲西邨街市一樓

今日嚟到又海洋公園附近的寶藏餐廳🦀蟹點🦀黎緊🧧🏮農曆新年🪭聚餐好去處地方非常闊落（新年/週年/公司聚會）有特色盆菜套餐食材新鮮（門店自設魚缸養新鮮海鮮）菜類品種豐富🤩😋我就叫左招牌白胡椒大肉蟹啖啖肉啊，忍唔住影咗佢個蟹鉗😍非常鮮甜金沙黃金蝦 實在太香口啦 必點之選🤪果然好夠鑊氣 啖啖嘅鹹蛋黃🥳椒鹽鮮魷 未見過人哋啲鮮魷咁大舊嘅🤪好正粟米龍躉班件 呢個簡直係撈飯之選魚塊仲要係龍躉嚟㗎！！鍾意食海鮮嘅朋友仔一定要黎試啦海鮮新鮮，煮法夠晒鑊氣，份量足料夠大碟👍🏻仲有戶外可以坐添

今年👫🏻去鴨脷洲蟹點食團年飯店內有大魚缸，海鮮種類多樣🦞🐟🦀🎣，而且幾生猛👍🏻😎.今次嚟到，都幾多人，但上菜速度正常，值得一讚👍🏻.菜式份量大大碟😎.🝮白胡椒大肉蟹（約斤半） [$648]🦀用鐵板上菜，店員即席淋上白楜椒汁，咇哩吧啦，令人食指大動🥢食落似薑蔥炒蟹，蟹形大大隻，實肉而新鮮🌊.🝮脆皮咕嚕肉 [$138]糖醬脆皮内裡咕嚕肉🐽爽口彈牙一種，加上新鮮菠蘿🍍加持，味道不錯🙌🏻.🝮花甲蒸水蛋 [$158]😯份量巨型，有成個頭🪖咁大，用上蒸魚豉油加葱，味道幾夾，但由於個汁爆過油，油感較重；蛋本體係嫩滑一種，由於比較濃味，配白飯🍚會較好.🝮青島啤酒(大支裝) [$34]用戰鬥碗上，有feel😜

元素烹調的味雷刺激。大排擋的環境，午餐set $60, 很小肉（沒有1 至2兩），白飯很大碟，ok 的，但叫了一個灼菜心要$98元，沒有4兩菜😅 可以見識下的。 －介平民可能到附近的快餐店會有較均衡的選擇。老板娘講嘢好大聲，對職員都係咁😁

今日公司有event係海洋公園，順便去左睇熊貓，真係好得意啊！之後就同一個比較要好嘅同事食dinner，同事本來都住南區，所以我叫佢推介有邊間有特色又好食，同事話去海怡半島站附近嘅蟹點，我當然就跟著去啦! 一來到首先見到嘅就係個自設魚缸，裡面好多不同種類嘅新鮮海鮮，呢到都有戶外座位，感覺有d似高檔大排檔，一行入室內就覺得好有氣氛，亦都聞到廚房嗰邊好有鑊氣，冬天呢個天氣坐外面都幾舒服，幾有feel，不過我哋今日就決定咗坐室內。menu都有好多選擇，呢度更加可以帶自來海鮮，有大眾點評優惠券可以買團年盆菜，不過我哋今日就試咗幾樣日式菜都覺得好正！ 嚟得呢度，就梗係要叫最出名嘅蟹啦，最尾決定咗要薑蔥炒蟹，真係超大隻又新鮮，啖啖肉，食得好過癮，炒得好有鑊氣，薑蔥均勻咁樣喺成隻蟹度都沾滿醬汁，但係唔會覺得肥膩，蟹肉亦都相當鮮甜！ 另外趁住天氣凍，梗係要飲番啲湯水啦，所以就叫咗一個杏汁燉白肺湯，飲落去覺得好養生，白肺湯完全冇奇怪嘅味道，反而有一種淡淡嘅杏仁香味。 菜就叫咗一個乾逼欖菜肉鬆四季豆，真係好惹味，濃得來又唔會過鹹，完全唔係平時餐廳死鹹嗰種味道。

今日，走左去呢間同親戚做冬。環境似街市裏面嘅大排檔，環境算ok乾淨。當時叫左半圍菜，包括班片，龍蝦伊面，卤鵝卤豬等，泰式鷄等。食物有中式又有泰式。魚幾新鮮，卤水種類幾多下，鵝肝，肉，腎，豬肉，大腸都有啲。泰式鷄都幾有鷄味。另外，我地都叫左炭燒豬頸肉同炸生菜。豬頸肉一食落口甜甜地有香矛味，醬汁較辣，不過配肉食的確一流。炒菜清爽。整體而言，食物有中有泰，不過泰國味唔重，係港版泰國菜。所食落去會似中餐。不過食物的確唔錯，推薦一試。

星期天中午去咗呢間bookmark咗好耐嘅大排檔式食肆，想試吓佢嘅招牌白胡椒蟹🦀 點知老闆娘話啲蟹仲未返得切貨，就推介我哋食秋冬滋補羊腩煲、同埋招牌油浸野生筍殼魚，我哋就即管試吓。店員先擺好個火爐和羊腩煲，待湯底滾起我哋正想食時，油浸筍殼魚就送到，老闆娘好窩心叫我哋趁熱先吃魚、等啲羊腩炆腍啲才好吃♥️♥️♥️🐠油浸野生筍殼魚 $438魚好大條有成斤半重、炸得皮脆肉嫩、舔些豉油吃已好鮮味、舔泰式醬汁酸酸辣辣更惹味，啲魚鰭脆到好似食薯片咁🤣🤣🐑古法羊腩煲 $368呢個羊腩煲真係好大，而且非常足料、有冬菇、冬筍、支竹… 大大塊連皮、連骨的羊腩炆得好入味🤤🍺Hoegaarden $55隻杯仲大過我塊面呀😝呢度有自設魚缸、新鮮海鮮，仲有多種類食物選擇，下次一定要約齊一班朋友再來試佢嘅招牌蟹同埋好多推介美食💕💕💕而且可以去埋海洋公園玩，然後搭地鐵嚟呢度都超方便呀🚊黎緊冬至計畫帶埋一家人黎試下～ 另外仲有社交平台優惠券，都好值得買！#香港探店 #香港海洋公园 #香港旅游攻略#香港美食

入到大排檔環境光鮮 視野亦好廣闊佢地亦有戶外雅座可惜當日太凍 所以選擇左入邊坐店舖內還有魚缸位比食客選擇新鮮海鮮而包包緊係去睇魚啦🐟一坐低首先叫左羊腩煲$368呢排天氣凍凍地，羊腩煲最啱暖胃愛吃海鮮既老公點左白胡椒蟹$628包媽就比較實際啲，叫左個晚餐孖寶揀選左A 蒜蓉豆苗+清蒸藍瓜子魚$198(+$30 假期附加費）/羊腩煲湯汁濃郁 羊肉煲吾係好蘇加上南乳醬 味道一絕除左羊肉馬蹄知足，都好入味最後碌埋羊腩煲本身附有既生菜生菜給哂羊腩煲既湯汁，十分入味白胡椒蟹佢去用鐵板上再淋上白胡椒汁鐵板既熱度和白胡椒汁碰撞的一剎煙霧即刻渣渣聲從鐵板上冒出濃濃白煙嗰下嗅覺同視覺都十分震撼孖寶套餐 經濟實惠蒜蓉豆苗 清清地重點係清蒸藍瓜子魚，大約有一斤而且蒸得啱啱好再淋上蒸魚豉油 提鮮味道而且魚肉好滑

呢日過開鴨脷洲探朋友，之後順便一齊食個Lunch，朋友帶我嚟西邨街市嘅蟹點度開餐，呢度地點好方便，港鐵海怡半島站A出口行4分鐘就到👍🏻入到餐廳見到裝修走藍色海洋風路線非常有特式💙而且自設魚缸有多款海鮮選擇，餐牌就有中菜同泰菜選擇，種類非常多👍🏻而且而家仲有大眾點評優惠券可以買，價錢更優惠😍🦀招牌白胡椒蟹(大蟹) $628白胡椒蟹用鐵板上，送到嚟時職員先幫我地落白胡椒汁，大蟹果然非常大，蟹鉗肉鮮甜肥美，蟹蓋仍保留住蟹膏👍🏻白胡椒汁香辣唔會蓋過蟹肉嘅鮮味👍🏻整體非常惹味😋🥘蟹點小炒皇 $108用咗韭菜花|腰果|魷魚|蝦乾|薑蔥 等炒成，炒得好有鑊氣，食落鹹香十足，層次感豐富👍🏻🍹青檸梳打 $25泰式餐廳不可或缺嘅飲品，微酸青檸梳打非常清爽開胃🍹芒果沙冰 $39芒果沙冰味道香甜，口感綿密，入口即化

去海洋公園玩完沿途搭南港島線，發現有間隱世高質小炒店🔥有室內及戶外座位環境好闊落我哋order咗：🦀招牌白胡椒蟹一上枱熱辣辣香噴噴😍超大隻新鮮本灣肉蟹，蟹身肉質肥厚👍連個蟹鉗都肥美飽滿，蟹蓋上更有豐富的蟹膏好甘香，用鐵板上枱保持溫度🔥香辣惹味，啖啖蟹鮮味🦀🍍菠蘿脆皮咕嚕肉酸酸甜甜醬汁非常開胃，再搭配埋新鮮菠蘿我哋極速食晒🥚本地雞蛋蒸花甲呢碟蒸蛋非常出色，嫩滑之餘再加埋花甲嘅鮮甜好好送飯🤩👧🏻食個不停🐟砂鍋生啫龍躉斑球一般斑球都係爆炒，但係呢個砂鍋生啫煮法保留鮮味，而且好彈牙🍝鑊氣豉油王炒麵看似普通嘅炒麵,但不一般，調味啱啱好！好有鑊氣👍

最近去咗鴨脷洲一間專食蟹嘅專門店，呢度環境優雅，設有戶外雅座，真係非常寫意。餐廳自設魚缸，提供新鮮嘅海鮮，食物選擇豐富，非常適合聚會同晚飯聚會。**招牌白胡椒蟹**：蟹非常之大，非常之足料，用鐵板承載，熱辣辣，蟹肉質鮮嫩，大啖大啖好有口感，白胡椒香味四溢，味道獨特**西蘭花炒帶子**：帶子鮮甜爽口，西蘭花清脆，炒得非常合味，口感層次分明。**滑蛋炒蝦球**：蝦球肉質彈牙，滑蛋嫩滑香濃，兩者結合，味道鮮美餐廳除咗招牌蟹，仲有羊腩煲，餐廳仲話我知，原來有大众点评優惠添，等下次冬至期間，我都同屋企人一齊食先

去完海洋公園咁近香港仔鴨脷洲梗係去食海鮮啦。朋友就介紹咗間餐廳俾我哋專食海鮮。喺鴨脷洲海怡半島站A出口一出就望到，揸車嘅就可以泊喺隔離鴨脷洲商場停車場。呢間餐廳叫做蟹店，咁梗係專係食蟹啦，佢哋有自己嘅魚缸，仲有其他海鮮可以揀，無論粵式同泰式都有，今次就試吓佢哋嘅招牌白胡椒大肉蟹。$628隻，都重斤半以上㗎。鐵板相上枱就冧埋啲白胡椒汁落去非常之香。這鉗又夠大隻真係啖啖肉。另外由於飲啤酒嘅關係又叫咗一碟滷水鵝肝送下酒。佢唔係好亂，但係就入晒味。旁邊仲有啲花生添。另外佢哋仲有露天座位啊咁冬天喺出面食就更加有風味啦。

又係一年一度Halloween啦！每年都會入海洋公園玩一日，今次去完海洋公園，我哋就搭地鐵過咗鴨脷洲，因為呢度有間食蟹好出名嘅餐廳。位於街市樓上，但係十分乾淨，仲有戶外座位，不過我呢日落雨，開放嘅座位唔多，呢度啲海鮮好新鮮，因為佢哋自設魚缸。一上到嚟，全場滿座，好熱鬧嘅大排檔，但係地方夠大，唔會感覺好逼。我哋嗌咗避風塘炒辣蟹（大蟹） $648呢度最出名食蟹，梗係要嗌翻個蟹嚟食下啦！肉蟹新鮮大隻好多肉，加埋大量炸蒜，真係好惹味。招牌脆皮咕噜肉 $108阿女最鍾意嘅，今次咕嚕肉仲有埋新鮮菠蘿喺旁邊，咕嚕肉脆皮又好食。瓦罉煎焗大魚咀(兩邊起每邊$68魚頭大大件，配埋洋蔥等配菜，送飯一流。泰國勝獅啤酒(大支裝)$33 食大排檔梗係要有啤酒啦，仲要加埋戰鬥碗，真係特別暢快。地址 : 鴨琍洲西村街市一樓 （港鐵海怡半島站A出口） （鴨琍洲商場停車場可供泊車） 營業時間 : 11:00am - 12:00pm 。 #海洋公園 #海洋公園哈囉喂 #哈囉 喂全園祭2024 #厲鬼圍城 #亡了忘 不了 #城寨 #門票正式預售 #OceanPark

一向鍾意食海鮮，前排同朋友去完海洋公園，順便遊港島南食海鮮！ ❣️大排檔格局但好企理地食海鮮，有魚缸，海鮮保證新鮮，可以選擇泰菜、中菜，海鮮同其他款手都多，有戶外同室內位❣️肉蟹真係超級大隻，啖啖肉超滿足，係必點之選！（ps最近仲有海洋公園本地鮮款式可以選擇） 🦀咖喱大肉蟹 $628/一斤半- 真係超級大隻，啖啖肉好滿足。點上滿滿泰式咖喱加蛋香，texture夠曬rich！大大啖食鮮甜蟹肉真心正！下次再黎試下其它做法嘅蟹，譬如招牌白胡椒蟹/避風塘炒辣蟹/薑蔥炒蟹/辣椒膏炒蟹/泰式粉絲蟹煲/冬陰功乾炒蟹 🥚本地雞蛋蒸花甲$138- 大大碟份量十足，蛋蒸到好滑，底部全部係花甲，花甲都幾厚肉 ✨冬蔭功海鮮炒飯$88- 抵食之選！炒飯粒粒分明，味道酸辣又多配料，有好多海鮮粒粒如八爪魚、青口等，推介！ 最念念不忘當然係隻大蟹🦀，會bookmark再去嘗鮮！