金海濱越粤小炒

營業中

休息中

放假去咗朋友屋企玩貓，然後到佢樓下嘅餐廳食晚飯，因為係熟客，一坐低就有兩大碗例湯。朋友點咗三個小菜一齊share：黃金虎蝦球$98，好大隻嘅虎蝦，用薄薄嘅脆漿包住，炸到脆卜卜，上邊沾滿鹹蛋黃，啖啖肉，食落超級香口😁。金海濱小炒王$98，即叫即炒熱辣辣，夠鑊氣，材料好豐富，有韭黃、鹹豬肉、魷魚、蝦米、蔥頭、蒜頭，非常惹味。豉汁蒸排骨$68，好有住家feel，幾好食😋。仲叫咗椰汁紅豆冰$20🧋同熱奶茶$16☕️，都幾好飲。呢度價錢非常實惠，份量亦大，我哋飽到捧住個肚😆。