小王子甜品 (已結業)

女人唔舒服既時侯真係會特別想食甜野，我突然勁想食窩夫。於是就捜尋南昌附近有邊度有窩夫食。黎到小王子甜品已經3點33分，但店仲未開(開門時間係3點半)不過我推開門佢都俾我入去店內的環境很不錯，唔似一般甜品店咁迫，有少量卡位。而且有好多小王子既元素，由於聖誕將至，店內亦多左啲聖誕裝飾。窩夫冇我相象中咁好食，一上菜既時侯睇到賣相幾靚，好精緻。但未食已經聞到窩夫的烘燶味…窩夫口感不太好，有點乾，太脆，做唔到外脆內軟。不過士多啤梨醬超讚酸酸甜甜，拌住球雪糕食一流！另外仲叫左綠茶心太軟，賣相有啲怪，畫花畫得唔似就會變老翻既感覺心太軟的軟心醬太甜，同埋幾多，食哂外面層蛋糕，啲醬都仲有一大半喺度…綠茶雪糕好正，最愛佢既茶香同清淡。我發現呢間甜品店都幾鐘意用杏仁片做材料，香口甘味都幾match同幾特別！