小田田主題餐廳 (已結業)

朋友今日帶我嚟太子搵嘢食，佢介紹有間西餐廳唔錯，其實好近太子地鐵站，餐廳佈置簡單有格調。原來佢哋有得電子餐牌點餐，但係我哋都唔係太識用，最後都係變咗人手落單，哈哈。點左兩個套餐，有餐湯送，原來係冇得揀架，要跟返當日餐湯，今日係番茄湯，配上紫薯麵包，餐湯好足料，有好多蕃茄蓉係入邊。煙三文魚意大利飯＄88 ,上面有兩朵好靚嘅煙三文魚玫瑰，煙三文魚不會過鹹，而且好重魚味，意大利飯就好重忌廉味道，飯軟硬度剛好，入邊仲有一啲細蘑菇。黑毛BB豬鞍＄188，豬鞍勁厚，但係一啲都唔會硬，切開嗰陣見到脂肪分布平均，咬落去重味道，旁邊仲有個醬汁可以點，但其實唔需要都已經好夠味。原隻去骨春雞＄158，一上枱已經聞到好香嘅雞味，隻雞一切就開，雞肉好嫩滑，外皮燒得剛剛好，配埋入邊嘅雞肉食簡直一流，最值得一讚嘅係雞胸位都好滑最後加左＄10要一個甜品，今晚有三款蛋糕選擇，當然揀咗最鍾意嘅芝士蛋糕，唔好講笑甜品都好正，好重芝士味，對我呢個芝士迷黎講真係好想要多一件。我哋兩個人埋單都係二百幾蚊，但係就食到勁飽，下次都會再返嚟幫襯，試佢哋餐廳出名嘅豬手。