影片
更多
2017-10-24
1974 瀏覽
今日因為感冒，休息一日。訓到自然醒後，就同屋企人一齊出去食野兼買餸。我地去左好耐都無去嘅翠園懷舊一下。我地叫左幾個點心同一個擔擔麵。擔擔麵。我以為份量似上海酒家嘅份量，不過依份似係一人份。唔緊要，我地一人少少試下味先！味道不錯，濃度適中，可再多少少麻香及辣度。麵就軟硬適中，有咬口，唔會太林。叉燒酥。依家好多地方嘅叉燒酥都係長條形，見到依個三角形，好有回憶呀！叉燒酥鬆軟，只係皮略為厚，可以加多少少叉燒，味道會更豐富。豬膶燒賣。好耐無食過喇！叫點心時都有掙扎，唔知叫豬膶燒賣定鵪鶉蛋燒賣，兩樣都好懷舊，最後都係叫豬膶燒賣啦！一上枱就見到兩塊大大嘅豬膶，好吸引呀！一定要襯熱食。豬膶唔會太硬太老，剛剛好，處理得好好，唔會有豬嘅腥味。帶子菜苗餃。翠綠嘅餃子皮令菜苗餃再多一點清新，而帶子同菜苗份量適中，每一啖都食到菜同帶子，不錯！潮州粉果。依個潮州粉果同平時食嘅有少少不同，佢帶有輕微嘅辣味，喜歡食辣嘅朋友可以試下，都幾特別。鮮竹卷。有豐富嘅素菜餡料，同其他酒家差不多。胡椒包。依個係其中一樣好想試嘅點心。胡椒包入面包住豬肉餡，下面有京葱，夾住一齊食好香，好味。豬肉餡可以再多少少胡椒，會更香，份量亦可再
訓到自然醒後，就同屋企人一齊出去食野兼買餸。
我地去左好耐都無去嘅翠園懷舊一下。我地叫左幾個點心同一個擔擔麵。
擔擔麵。我以為份量似上海酒家嘅份量，不過依份似係一人份。唔緊要，我地一人少少試下味先！味道不錯，濃度適中，可再多少少麻香及辣度。麵就軟硬適中，有咬口，唔會太林。
叉燒酥。依家好多地方嘅叉燒酥都係長條形，見到依個三角形，好有回憶呀！叉燒酥鬆軟，只係皮略為厚，可以加多少少叉燒，味道會更豐富。
豬膶燒賣。好耐無食過喇！叫點心時都有掙扎，唔知叫豬膶燒賣定鵪鶉蛋燒賣，兩樣都好懷舊，最後都係叫豬膶燒賣啦！一上枱就見到兩塊大大嘅豬膶，好吸引呀！一定要襯熱食。豬膶唔會太硬太老，剛剛好，處理得好好，唔會有豬嘅腥味。
帶子菜苗餃。翠綠嘅餃子皮令菜苗餃再多一點清新，而帶子同菜苗份量適中，每一啖都食到菜同帶子，不錯！
潮州粉果。依個潮州粉果同平時食嘅有少少不同，佢帶有輕微嘅辣味，喜歡食辣嘅朋友可以試下，都幾特別。
鮮竹卷。有豐富嘅素菜餡料，同其他酒家差不多。
胡椒包。依個係其中一樣好想試嘅點心。胡椒包入面包住豬肉餡，下面有京葱，夾住一齊食好香，好味。豬肉餡可以再多少少胡椒，會更香，份量亦可再多少少，會令到整個胡椒包更豐富可口。
張貼
