Sweetology (已結業)

同朋友去又一城睇戲，發現隔離有一間小白屋餐廳，感覺好溫馨，急不及待排隊入去晚餐。餐廳已掛上聖誕裝飾，好有節日氣氛。大牛角包早餐芝麻醬香草腸大牛角包配薯條($54)，所有套餐奉送是日沙律及每日特飲。牛角包很鬆脆，配上大大條香草腸，比起熱狗更好吃，另配上今日特飲柚子蜜，很滋潤。意粉套餐焗拿破倫香草雞扒長通粉($68)，厚厚的雞扒加上香濃的芝士，吃完後口腔仍殘留濃郁的芝士味。來到Sweetology無理由唔吃甜品，就算一開始無諗住食，但看到甜品餐牌靚靚的甜品，都不禁要叫來品嚐品嚐。提拉米蘇配雪糕($52)，香脆原味窩夫配上濃濃的Tiramisu，再加上一個香草雪糕，味道交融，中和濃郁的Tiramiu和清香的香草雪糕味道。再來一客抹茶窩夫山(伴小丸子金時號) 伴雪糕($90)，還未吃看到已經覺得興奮，幻想自己正在日本品嚐一個抹茶藝術品。享受了兩個非常豐富的甜品，過了一個甜甜蜜蜜的晚上。