樂天皇朝 (利舞臺廣場) (已搬遷) 新店位置

朋友話好耐冇食過小籠包，一於放工去試吓呢一間位於銅鑼灣利舞臺嘅樂天王朝！位置相當方便，銅鑼灣地鐵站一出行幾分鐘就已經到達~空間非常寬敞，有極多卡位，方便三兩知己談心 或者情侶~食物種類繁多，當然最出名就係小籠包！🔸上海炒年糕年糕煙韌，嚼勁十足不黏牙，配搭香濃醬汁, 非常好食嘅主食🥰🔸京醬肉絲一條條鋪滿醬汁嘅肉絲 伴上蔥絲同餅皮一齊食用～口味鹹甜適中，醬香濃郁～🔸上海小籠包必叫菜式小籠包，果然皮薄餡靚 咬下去肉汁滿瀉 呢一間餐廳仲有唔同味道嘅小籠包，下次真係要試吓！🔸蟹粉餡兒餅燒餅熱辣辣，咬下去係會燙口😝入邊係蟹粉加上鮮肉 ， 鹹香鬆脆😛侍應殷勤有禮，食物質素不錯，環境非常舒適，值得再來！