影片
電話號碼
21777873
開飯介紹
來自新加坡的中菜館，主打粵菜及滬菜。招牌八色小籠包，外皮採用純天然色素製作，八種味道有創意之餘，又可安心享用。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
朋友本身都好鍾意食中菜，有次咁啱講起有個小籠包我哋都好想試，咁所以就大家約埋一齊去樂天食。食完之後覺得個小籠包真係冇令到我失望，而值得欣賞嘅係其他菜式都有返咁上下水準。‣ 特式皇朝小籠包 $148‼️超級推薦‼️成日廣告見到，終於有機會一試啦！個小籠包原來仲有順序可以睇住點食，我個人最鍾意蟹粉，一啖咬落去湯汁嘅鮮甜味出晒嚟，而且入邊仲包裹住蟹肉，相當出色嘅小籠包，唔需要搭配醋都覺得好出色。‣ 蘿蔔絲酥餅 $52外表炸得金黃酥脆，啲蘿蔔絲口感都相當細膩，唔會覺得好硬身，覺得蘿蔔嘅清甜同埋酥皮嘅香真係配合得好好，鍾意食蘿蔔絲嘅真係唔好錯過。‣ 芝麻醬油麥菜 $72呢道菜純粹係平衡吓其他嘢食而嗌，同埋睇佢嘅擺盤覺得佢擺得好靚，咬落去啲菜都好新鮮，夠晒爽脆。‣ 李白醉雞 $92.0酒味唔算話好濃郁，啱啱好，而雞肉都好嫩滑，都值得一嗌！而且個擺盤好靚，所以真係好順理成章見到其他枱都有嗌。初時睇嘅時候諗住好快就食晒，但係食吓食吓發覺其實個份量都唔特別細，每一件雞都幾大塊，所以食落都覺得好滿足。‣ 皇朝酸菜魚 $281我反而幾鍾意佢啲酸菜魚唔會話真係太過酸，仲食到魚嘅嗰種鮮味，魚片滑溜唔腥，而且又唔會話好辣，味道相對上比較溫和，但係夠晒酸爽開胃。成個酸菜魚唔會話好油膩，作為一個唔算好鍾意食酸菜魚嘅人我都覺得好食，朋友好鍾意食，佢就係咁瘋狂食，連啲薯粉都唔放過。‣ 香煎豆沙窩餅 $73最後都係忍唔住口嗌咗個甜品做結尾，外酥內軟嘅口感真係令人欲罷不能。豆沙餡都夠細膩香甜，欣賞唔會話甜過頭。因為切得細細塊，所以唔經唔覺就食咗好多。
繼續閱讀
晚上來了銅鑼灣的樂天皇朝吃晚餐。😚餐廳長這樣。 ☺檯面長這樣。 我看到餐廳正在慶祝銅鑼灣店的開張，推出了猫山王榴槤小籠包的優惠。從8月21日至9月13日，特價$48/6粒（原價$98/6粒），全線分店供應。由於我朋友不吃榴槤，只好下次再來吃。😆menu長這樣。 刀切小饅頭 (炸)雖然小饅頭叫小饅頭，但一點也不小 😍饅頭外層金黃酥脆，裡面則是鬆軟的麵團，搭配上香甜的煉乳，口感的對比讓人驚喜。😆 每一口咬下去，都是香脆與柔軟的完美結合！！ 醋醬海蜇頭以海蜇為主，搭配著爽脆的青瓜，清爽的口感令人耳目一新。😀醋醬的酸味恰到好處，為海蜇增添了不少風味，十分開胃。海蜇的脆嫩與青瓜的清脆相得益彰，讓人吃得十分過癮。上海炒飯炒飯的份量很驚人，炒得恰到好處。裡面有蝦、叉燒、蛋等多樣配料，讓整道菜色香味俱全。每一口都能感受到豐富的口感，尤其是蝦的鮮甜與叉燒的香氣！！即使份量龐大，我們還是忍不住一口接一口，直到將整碗炒飯清空。開陽葱油拌麵麵條吸收了濃郁的葱油，香氣撲鼻，讓人食欲大開。 麵條搭配葱油的香味，每一口都讓人倍感滿足。
繼續閱讀
一向係呢間上海菜嘅Fans，最近發現佢地轉咗鋪位，雖然同係利舞臺，但位置同樓層都唔同咗。新鋪有別舊鋪風格，整個光D摩登d。# 八色小籠包八款口味的小籠包，外觀精緻，每一種口味都有其獨特的味道，個人特別喜愛鵝肝和黑松露，濃郁而皮薄，而且肉汁豐盈，每一粒都是固定18下的褶疊工藝，比起上星期食的遊客最愛鼎X豐明顯更好食。#重慶水煮魚片紅彤彤的一片，其實食落沒有想象中辣，帶辣香而不嗆喉，鹹度剛剛好。魚肉滑嫩，搭配底下吸滿香辣油汁的粉絲、大量豆腐皮及爽脆豆芽，好上癮的味道。#蘿蔔絲酥餅熱辣辣蘿蔔絲酥餅，明顯是新鮮炸起的外酥內軟，蘿蔔香甜多汁，雖然明知熱量不低，但那份酥香口感實在令人無法抗拒，唯有食完先減。#宮廷驢打滾糯米層軟糯非常，搭配微甜紅豆蓉和細膩的黃豆粉，很不錯。
繼續閱讀
樂天皇朝主打上海菜同粵菜，餐廳新裝修，布置舒適典雅，燈光柔和，好適合家庭及同朋友聚餐，食飯時間有唔少人排隊，相當熱鬧😆😆😆😉😉😉🥰🥰🐷招牌原味小籠包🐷招牌嘅原味小籠包皮薄餡靚，肉汁飽滿，係必點之選。熱辣辣嘅湯汁香濃鮮美，夾起都唔會好易穿底🐷無錫鮮肉鍋貼🐷鍋貼外皮煎得香脆，內裏肉汁同樣滿滿，肉餡份量十足，另一款招牌之作呢🍲雲吞雞🍲好足料嘅雲吞雞煲，有半隻雞咁多，烹煮後嘅雞肉依然嫩滑，雞味濃郁，雲吞皮薄，餡料豐富，雞湯滋潤好飲，兩至三個人叫一煲就剛剛好🫛肉碎欖菜乾煸四季豆🫛好有鑊氣嘅一碟四季豆，肉碎欖菜份量畀得大方，四季豆炒得夠乾身，下飯之選🪼醋醬海蜇頭🪼海蜇頭爽脆，配上特製醋汁，酸甜開胃，放底嘅青瓜清爽可口🍮桃膠紅棗桂圓湯🍮可以選擇冷或熱嘅桃膠甜品，紅棗桂圓令桃膠湯變得滋潤豐富，甜而不膩 樂天皇朝銅鑼灣波斯富街99號利舞臺廣場6樓#樂天皇朝#上海菜#中菜#粵菜#中餐廳#銅鑼灣餐廳#銅鑼灣美食#銅鑼灣必食#利舞臺#新店開幕#招牌小籠包#原味小籠包#上海小籠包#鍋貼#無錫鍋貼#鮮肉鍋貼#雲吞雞#砂鍋雲吞雞#四季豆#香港美食#香港旅遊
繼續閱讀
新店都係喺利舞臺，但係搬咗去另一層。特式皇朝小籠包 $148每次黎必嗌佢啲彩色小籠包，有唔同嘅味道，由有淡至濃咁食，皮薄多汁，真係食極都唔會厭😋榴槤小籠包(6粒) $48(原價$98)慶祝鑼灣店開張優惠推廣，由21/8-13/9，猫山王榴槤小籠包特價$48/6粒，全線分店都有架。見佢做緊特價咁抵食所以專登試下，完全係如其名，同你想像到嘅一樣，小籠包皮入邊餡係榴槤，個榴槤餡又幾甜喎，不過個皮比正常小籠包感覺好似厚啲。絕對可以試吓嘅，我都係當佢甜品咁食。肉碎欖菜乾煸四季豆 $88呢個好食，炒得夠香，個欖菜又唔鹹，又有好多肉碎，辣到又有得自己揀😋紅油鮮蝦抄手拌麵 $78鮮蝦抄手好飽滿，蝦肉夠彈牙，係略嫌個汁俾得唔夠多啫。
繼續閱讀