湘川滬 (+WOO嘉湖二期)

營業中

休息中

難得一家人飲茶，唔想成日食黎食去都係嗰幾款點心，今次喺天水圍見到呢間湘川滬🤭，一於試下佢。選擇好似都幾多，除左點心仲有上海菜，好似上海粗炒，年糕等等😏。不過一早都係想食下點心，呢度都有D幾特別既款式，出面都比較少見。上海年糕蒸排骨，呢款做法唔錯，因為用年糕墊底，可以吸收排骨既肉汁，年糕煙韌惹味，不錯！鵪鶉蛋燒賣，古老既一款點心，不過呢度整得麻麻地，燒賣一夾就散，鵪鶉蛋完全分離，食得好論盡😅。黎得呢度我覺得必食小籠包👍👍，皮唔太厚亦唔算好薄，反而我覺啱啱好，包住所有既湯汁，豬肉肥瘦適中，所以比較軟滑，上枱時熱辣辣，必食推介😋😋。反而生煎包就唔太好食，餡料比較少，同埋有少少雪味，包皮過厚，令到整體乾身左D🥲，可以不試。鼓汁蒸鳳爪，只係正正常常，無咩特別。糖醋魚塊有驚喜，魚塊炸得香脆，糖醋汁掛喺魚塊上面，口感一流🤗。今次食呢間湘川滬，覺得比平時酒樓飲茶好，因為可以選擇食上海菜，最喜歡係小籠包，其他食物就有好有唔好，如果住得遠就唔需要專登入黎食🤭。